384 vials sa Sinovac nihupas

SunStar File
SunStar File

KIDAPAWAN CITY -- Nihupas na ug di na magamit aron nga ibakuna ngadto sa mga senior citizens ang mokabat sa 384 ka mga vials sa Sinovac nga bakuna sa lokal nga panggamhanan sa Makilala, North Cotabato.

Kini human nga ang freezer nga gigamitan og generator set wa mabalik sa pag-on sa sugang dagitab-on human nakasinati og brownout niadtong miaging adlaw.

Subay sa taho sa LGU-Makilala nga gibalhin sa freezer sa Makilala Municipal Police Station ang Sinovac vaccine gikan sa Municipal Health Office kay dunay electric generator set ang kapulisan sa dihang mi-brownout.

Apan sa diha nga mibalik na ang sugang dagitab, nalimtan pag-on og balik ngadto sa linya sa Cotabato Electric Cooperative (Cotelco) ang freezer sa mga pulis gikan sa generator set.

Duha pa ka adlaw ang milabay una nadiskitahan nga wala na mag-andar ang freezer ug gituohang nadaut na ang mga bakuna.

Sa gihimong imbestigasyon sa Provincial Inter-Agency Task Force, nasayran nga daut na ang mga bakuna ug di na kini mapuslan.

Gikanayon ni Lito Canedo, Inter-Agency Task Force spokesperson sa Makilala, nga ang 384 Sinovac vaccine alang unta sa pagbakuna sa mga senior citizens.

Unang migawas nga mokabat lang kini sa 348 ka vials apan nasayran gikan kang IATF manager ug Cotabato Board Member Dr. Philbert Malaluan nga moabot diay kini og 384 ka vials.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph