Gibutyag ni mixed martial arts (MMA) superstar Anderson Silva nga moretiro na siya sa pag-away.

Matod ni Silva, 46, nga wala na siya’y angayang pamatud-an ug tinguha niyang maglingawlingaw na lang sa kinabuhi.

“I think MMA for me is done,” matod ni Silva sa interbyu sa ESPN. “Because it’s hard to train MMA. It’s hard to stay training in a good level because you hurt yourself a lot. Now I just try to enjoy. I don’t need to prove nothing for anybody. I just try to enjoy every single moment I fight in different sports. And that’s it.”

Hinuon, gitataw sa kanhi Ultimate Fighting Championship (UFC) middleweight champion nga dili siya hingpit nga mobiya sa combat sports.

Nakatakda siyang makig-away ni Mexican boxing legend Julio Cesar Chavez Jr. sa usa ka boxing exhibition match karong Hunyo 19, 2021 sa Mexico.

Sa katapusan niyang siyam ka mga away sa MMA nga mikabat og pito ka mga tuig, kausa ra nakaposte og kadaugan si Silva.

Sa labing ulahi niyang away niadtong Oktubre, 2020, nasugamak siya sa 4th round TKO nga kapildihan batok kang Uriah Hall.

Miretiro si Silva bawon ang 34-11 nga rekord.

Si Silva naggunit og ubay-ubay nga rekord sa kasayasayan sa UFC sa labing daghang sunodsunod nga kadaugan (16), labing daghang nadaog nga title fights (9) ug labing daghang narehistro nga knockdowns (18). (ESL)