Ningbangon gikan sa pagkalubong ang panagpares sa mga Pinoy nga sila si Jeff de Luna ug Roberto Gomez aron pag-abante sa quarter-finals sa 2021 World Cup of Pool sa Stadium MK sa England kagahapon, Mayo 13, 2021 (RP time).
Sa ilang pagpakigbatok sa panagpares nila ni Billy Thorpe ug Skyler Woodward, nabutlogan sila si De Luna ug Gomez sa nag-unang lima ka mga duwa, 5-0, sa race-to-7 nga dinumbolay.
Apan human niini, gipagngan og paglaom sa mga Pinoy ang ilang mga Amerikanong kaatbang.
Miposte og pito ka sunodsunod nga kadaugan sila si De Luna ug Gomez aron angkunon ang kadaugan.
Sa quarter-finals, ikaharong nila ni De Luna ug Gomez sila si Denis Grabe ug Mark Magi sa Estonia sa race-to-9 nga engkuwentro.
Ang mga nakasulod sa quarter-finals, nakaseguro na og $9,000 nga ganti matag usa ning puntoha sa torneyo. (ESL)