SUPERBALITA CEBU

27,000 doses sa AstraZeneca miabot; pamakuna sa seniors ipadayon

27K doses sa AstraZeneca miabot; pamakuna sa seniors ipadayon. (File photo)

ANG Cebu City Government nakadawat og 27,000 ka doses sa AztraZeneca gikan sa national government nga gi-deliver kagahapon, Mayo 13, 2021.

Kini ang gipahibawo ni Dr. Jeffrey Ibones, pangulo sa Cebu City Health Department, uban sa pagbutyag nga laing 5,000 ka doses sa Pfizer madawat sa Siyudad sa mosunod nga mga adlaw o semana.

Ang pagbakuna gamit ang Pfizer adto himuon sa Vicente Sotto Memorial Medical Center (VSMMC).

Kini tungod kay kini maoy labing una nga paggamit sa Siyudad sa Pfizer. Nanagana ang mga health officials ug city officials sa posibleng side effects sa bakunahan.

Gumikan sa pag-abot sa bakuna, ang City Government mobalik na usab og pamakuna sa first dose ngadto sa senior citizens ug persons with comorbidities karong Lunes, Marso 17, sa Robinsons Galleria, UC Banilad (senior high school) ug SM Seaside City.

Ang CCHD temporaryong nihunong sa pagtira sa first dose niadtong Mayo 10 sanglit ilang gihatagan og prority ang ni-due para sa ilang second dose nga naglangkob sagad sa medical frontliners kay nagkuwang na ang gidaghanon sa bakuna.

Ang 9,000 doses sa Sinovac nga naabot niadtong unang semana sa Mayo dali rang nahurot gumikan sa paspas nga turnouts sa senior citizens nga nagpabakuna.

Si Bise Mayor Michael Rama niawhag sa senior citizens nga magpadayon sa ilang pagrehistro pinaagi sa online ug makig-coordinate sa ilang mga barangay official aron mapaspas ang proseso inay moadto sa vaccination sites nga wa pa marehistro.

Si Konsehal Dave Tumulak, kinsa maoy gitahasan ni Mayor Edgardo Labella sa pagpangita og dugang vaccination sites nagkanayon nga moabli sila og laing lugar sa higayon nga maabtan na sila og daghang bakuna.

Usa sa ilang gitan-aw mao ang UC Senior High building atbang sa E-Mall sanglit dako ang area ug sayon ra usab bisitahon sa mga gustong magpabakuna sa umaabot.

Ang Cebu City naglaraw sab nga moabli og duha ka vaccination sites sa bukirang barangay alang sa mga residente sa bukid aron dili na sila molusad sa siyudad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!