Mag live-in partner nakuhaan og P3.4 million nga balor sa gituohang shabu sa anti-drug operation sa alas 6:30 sa buntag sa Biyernes, Mayo 14, 2021 sa mga sakop sa Philippine Drug Enforcement Agency 7 inabagan sa Naval Forces Central (Navforcen) ug Central Command (Centcom).
Ang balay sa mga suspek nga giilang sila si Jaime Gastador, 43, ug Jocelyn Premacio, sa Belgium Street, Barangay Suba, Siyudad sa Sugbo gironda pinasikad sa search warrant nga giluwatan sa korte.
Nakuha gikan kanila ang 17 ka dagkong pakete sa gituohang shabu nga motimbang og 500 gramos.
Kalapasan sa Section 2, Article 2 sa Republic Act 9165 kun Comprehensive Dangerous Drugs Act of 2002 ang atubangon nga kaso nila ni Gastador ug Premacio nga naa na karon sa kustodiya sa PDEA-7 headquarter. (AYB)