SUPERBALITA CEBU

Nadela: Mga module apil nasunog

ASOY NI

Sumad karong Dominggo, Mayo 16, pasado alas 12:00 sa udto, mga siren sa trak sa bombero ningputol sa selebrasyon sa adlaw sa mga inahan sa duha sa sitio sa Barangay Basak San Nicolas sa dakbayan sa Sugbo. Usa ka alarma sa sunog ang gitubag sa mga bombero. Ang mga molupyo sa sitio Seaside ug Caimito. Taliwala sa pandemya laing pas-anunon nga kalisod ang ilang giatubang.

Sa akong pagduaw sa mga biktima sa sunog, unang nisugat sa akong panan-aw ang bulletin board nga may lista sa gidaghanon sa mga nabiktima. Sa Sitio Seaside nilista ni og 97 ka panimalay nga naugdaw, 134 ka pamilya ang apektado nga gilangkuban og 557 ka mga tawo. Sa Sitio Caimito, 8 ka balay ang naugdaw, 12 ka pamilya ang apektado nga gilangkuban sa 50 ka indibidwal.

Kung imong sumadahon dili basta basta kining gidaghanon sa kabalayan nga naugdaw ug gidaghanon sa mga tawo nga apektado. Kadaghanan nila gipasulongan sa gym sa barangay ug mga classroom sa Basak Elementary ug High School.

Ang sunog nahitabo pasado alas 12:00 sa udto, oras nga nagtikawtikaw pa ang mga tawo. Mas daghan ang nagmata kaysa natulog. Nagpadayon pa ang imbestigasyon.

Apan una nang nitumaw nga isyu mao ang kalisod sa agianan sa mga fire truck maoy nag-unang rason nga dili makaatraka ang mga bombero. Sa ato pa, apektado ang ilang operasyon.

Matod ni Ana Marie Monida, maayo pa nilang saulog sa adlaw sa mga inahan sa dihang may nisyagit og sunog. Tungod sa maong syagit matod niya, daw nahugno ang kalibutan. Samtang si Ivy Rose Capul, usa ka inahan nitug-an nako nga taliwala sa ilang paningkamot nga masalbar ang ilang kabtangan, ang module sa iyang anak nga si Janilla Chen, lakip nga

gilamoy sa kayo. Module 12 hangtod sa 14 sa grade 1 napagan sa sunog.

Ingon sab niini ang nahitabo sa module sa ubang tinun-an nga akong gisungko sa evacuation site. Hilabihan ang kabalaka sa mga tinun-an kay, sumala pa nila, humana nila matubag ang mga naugdaw nga module.

Pagpuypoy sa ilang kabalaka akong gibisitahan sila si Sir Herry Canoy ug Madam Phamela Oliva, mga principal sa Elementary ug High School. Matod nila, dili angay mabalaka ang mga tinun-an sa nasunog nga module. Ang imporante nga luwas sila gikan sa peligro atol sa alarma.

Sama niadtong panahon sa face to face pa ang klase, ang mga tinun-an hatagan sa taas nga panahon sa paghan-ay sa iyang mga kibahanglanon sa eskwelahan. Pasabot nga dili siya dali dalion. Dihay nihunghung nako nga lisod ra ba kaayo ang mga pangutana sa module.

Gikan sa eskwelahan nilahos nako sa Sitio Seaside ug Caimito. Way kalainan ang mga balay didto sa kabalayan sa Marawi City nga gibombardiyo.

Akong nahimamat si Kagawad Giovanni Tabada. Kauban niya ang taga Division for the Welfare of the Urban Poor (DWUP) sa Cebu City Hall. Nagpahigayon sila og survey sa mga biktima sa sunog.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!