Manila–Unsa na kahay update sa pelikula diin bida sila Alden Richards ug Bea Alonzo?
Basta ang alam ko, may working title na kini nga “A Moment to Remember” ug nakapag-pictorial na sila.
Daghan ang curious kung na-shoot na nila kini samtang pandemic o gipaabot pa nila nga mobalik na sa normal ang panahon para masugdan na ang shooting.
Pero ang dakong pangutana, mag-hit kaha kini gaya sa tandem ni Alden ug Kathryn Bernardo nga super blockbuster?
Dinhi sad mapamatud-an kung may magic pa sa takilya si Bea Alonzo nga kanhi nangharos ang mga pelikula ilabi na sa dihang gipares siya kang John Lloyd Cruz.
Ingon man si Alden kung mokita ang “A Moment to Remember”, dili puwedeng ingnon nga tsamba lang ang box office result sa movie nila ni Kathryn Bernardo.
Bongga ang movie na ito tungod kay co-prod pa kini sa Viva Films ug GMA Films. Big budget kini.
Sa kasamtangan, GCQ na dire sa Manila ug mga kasikbit nga probinsiya sugod karong adlawa hangtod sa May 31. Good news kini kay puwede nang mag-shooting ug mag-taping ang mga productions provided nga magsunod pa gihapon sila sa health protocols nga gimando sa atong gobyerno.
Morag may nakita na akong banag-banag sa sidlakan. Hinaut unta nga mao na kini ang senyales para mogilak og usab ang kalihukan sa showbiz nga usa sa industriya nga grabeng naapektuhan sa pandemya.
Of course dili lang ang movie nila ni Alden ug Bea ang atong i-wish nga mahuman na ingon man ang pipila pa ka lilas nga yun na nga, natengga sad gumikan sa pandemya.