MGA pari sa di mominos 100 ka mga Katolikong Simbahan sa Germany ang nitanyag sa ilang bendisyon sa pagpakasal sa mga same-sex couples sukad niadtong Mayo 10, 2021.
Ang Love Wins nga kalihukan namugna human ang katolikong simbahang nagkanayon niadtong Marso nga di kini “makabendisyon sa sala.”
“Couples who take part should receive the blessing that God wants to give them - without any secrecy,” sumala pa sa grupo.
Si Pope Frances niadto nagtuo nga angay tugutang ang mga miyembro sa LGBTI (Lesbians, Gays, Bisexuals, Transgenders, ug Intersex) community sa “civil union” kon pagpakasal.
Sa 2020, siya niingon sa usa ka documentary nga ang maong managpareha adunay katungod mohimo og pamilya.
Bisan pa man niini, ang Kongregasyon sa Doktrina sa Pagtuo nagkanayon nga way gahum ang Simbahang Kalotiko sa pagbendisyon sa same-sex marriage.
Bisan pa man niini ang Love Wins niingon nga ang desisyon sa simbahan batok sa same-sex marriage “usa ka sagpa sa nawng sa mga tawo sa kalibutan.”
Tungod niini, libuan ka mga German nga pari ug kawani sa simbahan ang nipirma og petisyon nga nanawagan sa simbahan sa paglugway sa bendisyon, gani, ang ubang mga simbahan nagbutang og rainbow flag sa gawas sa simbahan sa pagpakita og suporta.
Matod ni Damien McGuinness sa BBC sa Berlin nga ang Simbahang Katoliko sa Germany mas liberal ug adunahan kompara sa ubang nasud ug ang nagtikataas nga pagdawat sa mga same-sex couples lisod nga baliwalaon lang kini sa Vatican.
Ang same-sex marriage nahimong legal sa nasud sukad niadtong 2017 ug gidili sab niini ang “gay conversion therapy” sa mga menor.