Human gianunsyo ang pagluag sa community restrictions sa National Capital Region, ang mga PBA teams naglaraw nga mobalik sa ilang naandan nga venue.
Ang Malacañang nipahibawo nga gipaubos na sa general community quarantine ang NCR gikan sa modified enhanced commumity quarantine.
Si PBA Commissioner Willie Marcial nagkanayon nga labing gamay 6 ka trams ang ni-request og endorsement letters para sa local government unit diin nahimutang ang ilang training facility.
Apan adunay team nga posibleng magpadayon sa ilang nahiunang plano nga magbansaybansay gawas sa NCR plus samtang wala pa makumpleto ang ilang mga dokumento pagbalik sa ilang old facility.
Ang Blackwater Elite, Rain or Shine Elasto Painters, Phoenix Pulse Fuel Masters ug Magnolia Pambansang Manok Hotshots maoy mga teams nga adunay booking sa Batangas City.
Wala pa sad masayri kon madayon ba ang Meralco Bolts sa ilang pagtraining didto sa Laoag, Ilocos Norte niining pagluag na sa quarantine status sa NCR. (PAC)