SUPERBALITA CEBU

Editoryal: Bug-at ang kaayuhan

Editorial Cartoon by John Gilbert Manantan

Liboan na ka mga dose sa bakuna ang nangabot sa Siyudad sa Sugbo gikan sa kaulohan. Dunay Sinovac, AstraZenaca ug bag-ohay lang, ang Pfizer.

Nindot tan-awon ang numero sa mga bakuna nga nangabot, apan maorag makalingla. Kay tagduha man ka doses, sa ato pa, katunga lang ang mabakunahan sa gidaghanon sa mangabot dinhi. Sa 100,000 ka doses, duna lay 50,000 nga madapatan niini. Unya bahinon pa kini sa ubang mga dapit sa rehiyon 7.

Sukad gisugdan ang pagpamakuna sa unang semana sa Marso, naa pa sa senior citizens ug mga tawo nga dunay comorbidities. Paspas ang mga pagpamakuna sa Metro Cebu tungod sa mga sistema nga giandam. Apan kanunay nga maputol kay dali rang mahurot ang doses kay mas daghan na ang mga tawo nga nakasabot nga mas maayo ang magpabakuna.

Kon basehan ang dagan sa pagpangabot sa mga bakuna gikan sa gawas dinhi sa nasod, layo kaayong matinuod ang tinguha nga mahuman ang pagpamakuna tapos ning tuiga. Kay di ra baya Pilipinas ang nanginahanglan sa bakuna, daghan pa.

Taliwa ning tanan, kinahanglan nga ang kagamhanan di maghuwat sa mga tawo nga di gustong magpabakuna. Kon nahuman na ang usa ka sektor, adto na sab sa sunod, sama sa gibuhat sa ubang mga nasod nga kadtong wa magpabakuna, wa nila huwata. Tan-awa ang Amerika, mahimo nang di na mag facemask kay kinabag-an nabakunahan na.

Angay usab kuhaan og leksyon sa mga tawo nga nahadlok magpabakuna ang nahitabo sa India. Bisan kon ang India dunay himoanan og bakuna, daghan ang nangasakit sa coronavirus disease 2019 (Covid-19). Ngano man? Tungod kay daghan ang nagdumili sa pagpabakuna kay nangahadlok.

Tinuod nga di pa perfect ang kasagaran sa mga bakuna, apan ang kaayuhan nga makuha mas bug-at kay sa kakuyaw. Namatud-an na kini sa mga tracking sa resulta sa ubang mga nasod. Napanalipdan sila gikan sa kamatayon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!