Gipugngan ni Moalboal Mayor Paz”Lingling” Rozgoni ang pagsaulog ug pagpahigayon sa Kagasangan Festival ug uban pa nga mga kalihukan sa pista sa lungsod nga kasagaran gipahigayon sa Mayo 15-16.
Kini maoy gipahibawo sa mayor subay sa kapistahan sa patron, San Juan Nepomuceno.
Gipasabot ni Rozgoni ang mga konstituente nga bisan kon gipaubos na sa modified general community quarantine (MGCQ) ang lalawigan sa Sugbo, anaa gihapon ang hulga sa coronavirus disease 2019 (Covid-19).
“My heart is in sorrow because we cannot hold our traditional Kagasangan Festival nga atong gikahinaman ug gipasigarbo and much appreciated by all of our visitors every year,” matod ni Rozgoni.
Siya nipasabot nga ang pagpahigayon og dakong kalihukan modani og mga bisita nga moresulta sa pagtapok ug pagpundok.
Maglisod na unya hinuon pagkontrol ang kagamhanan panahon nga modagsa na ang mga tawo sa lungsod.
“I know we all would love to warmly greet each other and celebrate our success in keeping Covid away or at least minimizing the number of cases here in Moalboal. However, we have to remember that the virus is not tired nor sleeping. It is waiting for the right timing to infect us and a fiesta celebration is a perfect opportunity to make a so-called ‘super spread’ that would maximize the effects brought by the virus leading to the unstoppable Covid spread,” dugang ni Rozgoni.
Matod sa mayor nga ang labing importante sa pagkakaron ang pagbanhaw na sa panginabuhian sa mga lungsoranon ingon man ang ekonomiya niini human sa kapin tuig nga pagkalukapa sa mga negusyo ug pangita sa mga tawo gumikan sa mga paghugot. (ANV)