SUPERBALITA CEBU

Illegal STL booths sugdan na og demolish sa Probe

WARNING: Mga sakop sa Probe team nangbutang og mga paskin sa posibleng pagguba unya sa mga stall sa illegal small town lottery (STL) human nimando si Mayor Edgardo Labella. / AMPER CAMPAÑA

Apilon na sa Prevention, Restoration, Order, Beautification, and Enhancement (Probe) team ang pagguba sa mga booth sa illegal small town lottery (STL) sa Dakbayan sa Sugbo.

Matod ni Probe chief Raquel Arce nga sugod sa Lunes, Mayo 17, 2021, ilang ilakip sa clearing operations ang mga stall sa illegal STLs.

Hagbay na nga nagsugod ang Probe team sa ilang pagpanglimpyo sa mga illegal nga estraktura ug uban pa nga nakaali sa kadalanan ug sidewalks sa dakbayan, subay na sad sa mandato sa Department of the Interior and Local Government (DILG).

Matud ni Arce nga tungod sa mga report nga nagkadaghan ang illegal STLs sa dakbayan, i-demolish na sa Probe team ang mga stall.

Matod ni Arce nga hingusgan sa mga personnel sa Probe ang pagtuman mando sa mayor.

“Sa mga operators, trabaho lang, walang personalan,” segun ni Arce.

Si Cebu City Mayor Edgardo Labella nagpagawas og memoranda ngadto sa Probe ug Cebu City Police Office (CCPO) alang sa pagguba sa mga illegal nga STL.

Matod ni Labella nga kon adunay masuta ang mga awtoridad nga illegal nga STL booth sud sa usa ka private property, padal-an kini sa City Hall og show cause order kay matod sa mayor, dili maka-demolish og dali dali ang taga Probe ug kapolisan.

Sa miaging semana, nagkakita si Labella ug Philippine Charity Sweepstakes Office (PCSO) General Manager Royina Garma ug nag-estorya kabahin sa illegal nga STLs sa dakbayan.

Sa niaging balita sa Superbalita Cebu, si Garma nibutyag nga P14 milyones ang maalkansi sa PCSO tungod sa mga illegal nga STLs sa dakbayan sa Sugbo ug Mandaue.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph