Dear Papa joe,
Tawaga lang ko og Myrna, 28 years old. Ako ug ang akong bana naninda ra sa amoa diri sa Lapu-Lapu.
Akong suliran kay medyo naipit ko sa among mga silingan kay naa man guy silingang babaye diri sa amo nga gipasinganlan na maoy nagtsismis ug naatlan gatambay sa among tindahan ug gisagpa sa bana sa babaye nga kontra unya naa pay bata nga nakuratan nga anak sa gisagpa.
Nihangyo ang gisagpa nga ako ang patestiguhon apan mahadlok man ko kay maangin unya mi nga bag-o pa mi diri, kamiy pasingitan. Unsay buhaton ko?
MYRNA
Myrna,
Kon tan-aw nimo sakto imong pagtestigo, padayon. Tabangi labi na naay bata nga naapil. Kinahanglan nga naay medical certificate nga mapakita ug duol mo sa Department of Social Welfare and Development (DSWD) para sa bata kay pwede na sa child abuse.
Kontrahan tuod ka nila apan sakto imong gibuhat. Ginuo nay mag-igo nila. Kay what if ikaw ang mabuhatan ana, diba lain ug sakit bisan naay nakakita magpakawala lang? Mao na ikiha ninyo.
Kon sayop man ang gisagpa, at least ang pagsagpa ra imong testiguhan.
Papa Joe
(sa inyong tampo ipadala lang sa papajoesuperb@gmail.com)