Laing kalamposan alang sa Covid-19 response sa Kabisay-an human hingpit nang natapos sa Office of the Presidential Assistant for the Visayas (Opav) ang pagpang-apud-apod sa tibuok Kabisay-an sa Covid-19 Vaccination Operations Center (VVOC) Manual nga basehan alang sa bakuna sa Covid-19.
Niadtong Sabado, ang Opav inubanan sa mga opisyal niini, pormal nang mitapos sa ilang pagtuyok sa tulo ka rehiyon sa Visayas.
“With the culmination of the VVOC Manual rollout in the Visayas, I now declare Visayas is ready for community vaccination,” matod ni Presidential Assistant for the Visayas Secretary Michael Lloyd Dino.
Human nagmalampuson nga pilot rollout sa Cebu province, ang maong vaccination manual gitunol kini sa local government units sa Central, Eastern ug Western Visayas.
“With the cooperation from our leaders who share a strong compassion for our people, I believe we are going in the right direction. To roll out the Philippine National Deployment and Vaccination Plan for COVID-19, we have cascaded the VVOC Manual to the Regional and Local COVID-19 Vaccination Operations Centers,” si Dino sa iyang mensahe.
Si Inter-Agency Task Force-Visayas Chief Implementer Gen. Melquiades Feliciano mao ang mimugna sa maong manual diin subay sa guidelines sa national government.
Nakig-collaborate si Feliciano sa OPAV, Department of Health (DOH) 7 ug sa pribado nga sektor pinaagi sa Project Balik Buhay.
“With our successful cascading, we (the Visayas) are now ready to smoothly implement the community vaccination program,” matod ni Feliciano atol sa culminating activity nga gihimo sa Boracay Island.
Sa maong pagpang-apud-apod sa manual uban sila si Undersecretary Jonji Gonzales ug DOH 7 Chief Pathologist Dr. Mary Jean Loreche diin mipasabot usab kini sa maayong buhaton sa usa ka LGU sa pagsugpo niining pandemiya.
Lakip sa model nga ilang gibasihan mao ang gihimo sa Cebu City Government. (PR)