P1B sa paghuman sa bag-ong CCMC

BAG-ONG CCMC: Ang kagamhanan sa dakbayan sa Sugbo kinahanglan nga mogahin og P1 bilyunes alang sa hingpit nga pagtapos sa 10-storey nga bag-ong edipisyo sa Cebu City Medical Center (CCMC). / AMPER CAMPAÑA
BAG-ONG CCMC: Ang kagamhanan sa dakbayan sa Sugbo kinahanglan nga mogahin og P1 bilyunes alang sa hingpit nga pagtapos sa 10-storey nga bag-ong edipisyo sa Cebu City Medical Center (CCMC). / AMPER CAMPAÑA

Gikinahanglan nga mogahin ang dakbayan sa Sugbo og dugang salapi alang sa hingpit nga bag-ong edipisyo sa Cebu City Medical Center (CCMC) nga mobalor og P1 bilyon.

Si Cebu City Administrator Floro Casas Jr. nagkanayon nga kini ang kataposang hugna sa pundo alang sa naasoy ga edipisyo.

Sa unang pakighinabi sa SunStar Cebu kang Cebu City Mayor Edgardo Labella atol sa ceremonial opening sa unang tulo ka andana sa bag-ong edipisyo sa CCMC, kini nagkanayon nga kapin pa sa P1 bilyon ang gikinahanglan sa pagkompleto sa 10-storey nga ospital sa dakbayan.

Matod ni Casas, dunay P500 milyones nga budget nga kasamtangang gitrabaho sa technical working group (TWG).

“Naa nama’y P500 (million)... I think that (hospital) would be completed,” matod ni Casas.

Dugang ni Casas, ang P500 milyones nga budget diin gilihok sa TWG sa Bids and Awards Committee (BAC) alang sa fourth phase nga motapos sa edipisyo ngadto sa ika-10 nga andana. (JJL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph