Mongaya: Mga tag-as mi-standout

Nagkinahanglan ta og dugang growing mass tingale oi. Nindot man ang pangbato sa Pilipinas nga si Rabiya Mateo. Apan akong nabantayan nga kasagaran ang mga tag-as og height maoy naapil sa Top 10.

Nindot tan-awon ang mga tag-as labi na kon maayo sab mopaso. Bilib ko sa uban nga wala mosunod sa kapaspas molakaw dungan sa background music. Mas makit-an man gud ang ilang kanindot. Di man mubo ang 5’6” labi na kon babaye. Kon mag-heels na, aw maghangad na ko niana.

Tungod niini, wa mapakita nga usa ka public speaker nga si Rabiya ang iyang kamaayo motubag. Mas dunay uban ang ni-standout sa swimsuit competition.

Wa kaayo ko nakatutok sa ubang contestants tungod sa Internet nga sigi lang og loading. Apan sa top 5 na, pulos ang mga dunay height ang nilusot.

Wa ko magpasabot nga kinahanglan ang tag-as lang ang atong himuong pangbato sa Miss Universe. Apan kinahanglang makalusot kini sa Swimsuit ug sa Evening Gown competition.

Bisan pa man, wa koy lalis nga si Miss Mexico ang napiling Miss Universe. Gawas nga maka-attract og atensyon sa Top 21 ug Top 10 competitions, maayo pa gyud motubag.

Bakuna

Sayop kining mamakuna og linibo sa usa ka dakong lugar, matod ni Sen. Richard Gordon, chairman sa Philippine Red Cross (PRC). Kuyaw man gud kining maglinya ang mga tawo diin kuyaw magtinakdanay.

Imbes usa ka dakong lugar, mas maayo nga dunay ginagmayng mga lugar diin mamakuna, matod pa niya.

Alang kanako, wa sa lugar kining kagamhanan nga moinsister sa kadak-on sa lugar diin mamakuna apan hinay kaayo ang pag-abot sa supply sa bakuna. Ang pagkapaet pa gyud, kay way klaro ang information drive sa kagamhanan (pakapinan pa sa pag-insister nga bakuna sa mga Insek ang gamiton) mao nga bisan diha sa mga health worker, daghan ang namalibad. Naghuwat kanus-a moabot ang mga bakuna nga gikan sa Estados Unidos nga mao ang Moderna ug Pfizer. (DM @anol_cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph