Cebu City migamit na sa Pfizer vaccine

■ GIBAKUNAHAN: Ang vaccination site sa University of Cebu (UC) Senior High campus sa dalan J. Alcantara, Dakbayan sa Sugbo gisugdan kagahapon, Mayo 17. / Amper Campaña
■ GIBAKUNAHAN: Ang vaccination site sa University of Cebu (UC) Senior High campus sa dalan J. Alcantara, Dakbayan sa Sugbo gisugdan kagahapon, Mayo 17. / Amper Campaña

Gisugdan na og gamit sa Cebu City Government ang Pfizer vaccine batok sa Covid-19 atol sa pag-abli sa ikaupat nga vaccination site sa Dakbayan sa Sugbo.

Si Dr. Jeffrey Ibones nagkanayon nga malampuson ang ilang unang pagbakuna sa Pfizer vaccine atol sa gihimong seremonyas kagahapon, Mayo 17, sa

University of Cebu (UC) Senior High campus sa dalan J. Alcantara, atbang sa Elizabeth Mall.

Nibalik na usab ang normal nga operasyon sa pagbakuna sa Robinsons Galleria, SM Seaside ug UC Banilad gamit ang 27,000 doses sa AstraZeneca nga gikan sa national government.

Si Ibones nipasabot nga gibalhin ang vaccination site sa Pfizer inay sa Vicente Sotto Memorial Medical Center nga maoy unang nasabotan apan ilang nakumbinse ang mga opisyal sa Department of Health (DOH) hinungdan nga adto na sa UC sanglit mahadlok ang mga tawo nga moadto sa ospital.

Ang mga bakunahan sa Pfizer mao gihapon ang medical frontliners, senior citizens ug persons with comorbidities nga mosubay gihapon sa naandan nga proceso sa City Health.

Matod pa ni Ibones nga molanat og usa ka semana ang 4,800 doses sa Pfizer sa dili pa kini mahurot sugod karong adlawa nga maoy pagbuylo sa vaccination.

Mao sab ang 27,000 doses sa AstraZeneca para sa mga magpabakona sa first dose didto sa tulo ka vaccination sites nga maoy gigamit sa Cebu City. *-+

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph