SunStar File
SunStar File

40 ka illegal STL booths gipangguba

Dili mominos 40 ka booths sa illegal small town lottery (STL) sa Dakbayan sa Sugbo ang gipangguba sa Cebu City.The Prevention, Restoration, Order, Beautification, and Enhancement (Probe) team kagahapon, Mayo 17, 2021.

Ang Probe nangusog sa unang adlaw sa operasyon batok sa illegal STL, lakip sa road clearing operation.

Si Probe chief Raquel Arce nagkanayon nga ang Probe personnel giabagan sa personnel sa Philippine National Police (PNP) sa ilang operasyon.

Sa 40 ka booths, 25 gikan sa north area sa dakbayan ug 15 sa habagatan.

Matod ni Arce, ang illegal STL booths sagad naa sa sidewalks sa national highway.

Dugang ni Arce, ang movable booths igisakmit samtang, ang uban gidemolis.

Gibutyag niya nga dunay mga notisya nga ilang gipadala sa miaging semana bahin sa ilusad nga clearing operation.

Si Arce nagkanayon nga walay nasikop apan dunay pipila nga niinsister nga wala sila makababag sa dalan.

Ang Probe nipatuman sa mando sa Department of the Interior and Local Government (DILG) sa paghawan sa kadalanan ug sidewalks gikans a mga babag.

“Bisan pa’g legal, but they occupy the sidewalk, di gyud na pwede,” matod ni Arce.

Samtang ang illegal STLs nga nahimotang sa private properties ilang giduso sa tukma nga ahensiya sa PNP alang sa ilang paghimo og aksiyon.

Sa miaging semana, si Philippine Charity Sweepstakes Office (PCSO) General Manager Royina Garma nakigtagbo ni Cebu City Mayor Edgardo Labella sa pagtuki bahin sa probema sa illegal STLs.

Si Garma nagkanayon nga ang PCSO naalkanse og P12 million matag adlaw tungod sa illegal STLs sa Cebu City ug Mandaue City. (JJL)

Related Stories

No stories found.
SunStar Publishing Inc.
www.sunstar.com.ph