SUPERBALITA CEBU

Club nagpa-disco, ipatawag

Usa ka diskohan nga nahimutang sa General Maxilom Avenue sa Barangay Kamputhaw, Siyudad sa Sugbo, naabtan sa mga sakop sa Abellana police station niadtong Biyernes sa gabiii, Mayo 14, 2021, nga nagpa disco.

Giingong nisobra sa katunga ang mga tawo nga ilang gipasulod nga milapas na sa health protocol.

Ang kapulisan sa Abellana Police Station nakadawat og tawag sa telepono labot sa padayon nga disco sa usa ka bar nga nahimutang sa Gen. Maxilom Avenue nga wa na masunod ang health protocol.

Dali nga gisusi sa mga pulis ang dapit ug ilang naabtan nga nagpadayon pa ang disco nga hugot pang gidili sa kagamhanan sa dakbayan tungod sa pandemic.

Matod ni Police Lieutenant Colonel Wilbert Parilla, deputy city director for operations sa Cebu City Police Office (CCPO), nga bisan gitugot na ang pagbaligya sa ilimnon nga makahubog sa mga imnanan, apan wa pa hingpit nga gihatagan sa permiso ang mga diskohan.

Gi-videohan ug gikuhaan og hulagway ang establisemento ug ilang giduso ngadto sa Emergency Operations Center (EOC) alang na unya sa administrative sanction.

Pasabot ni Parilla nga sa dii pa mo operate ang usa ka imnanan kinahanglan nga mokuha kinig permit sa Business Permit and Licensing Office (BPLO).

Ang Kagamhanan sa Siyudad sa Sugbo mo-require sa management nga magbutang og paskin sa gawas kon pila lang ang makasulod.

“Didto nakuha gyud nato, na picturan even duna tay video with regards sa specific nga offense sa ani nga club. Sa ato na nga nasabutan together with the EOC ug sa tanang establishment owner mobuhat tag report with a video clip, photos i-submit nato sa BPLO for them to explain nganong nag violate sila,” matod ni Parilla.

Warning kini sa tanang mga establisamento sa Dakbayan sa Sugbo nga di angayan nga molapas sa executive order ni Mayor Edgardo Labella aron di na mobalik sa liquor ban.

PAATUBANGON

Ipatawag sa Cebu City Government pinaagi sa EOC ang tagdumala sa club karong adlawa, Mayo 18.

Nameligro nga matangtangan sa ilang business permit ang club nga nahimutang sa Mango Square. Ang BPLO nipadala na sa ilang show cause order.

Si Konsehal Joel Garganera, deputy chief implementer sa EOC, nagkanayon nga kini maoy labing unang establisemento nga nakalapas sa lagda dihang gitugotan og balik ni Labella nga maka-serve og ilimnong makahubog ang mga restaurant bar owners sanglit ilawom sa EO No. 130 sa mayor, ang maong matang sa establisemento wa pa tugoti nga makaabli.

Sa Facebook page sa ClubHolic, ilang gi-post nga aduna silay special permit to serve liquor during community quarantine nga adunay 300 ka mga kustomer nga

gitugot ug adunay nakabutang “live entertainment allowed”

Lakip sa motambong sa meeting mao ang mga pulis, EOC officials, BPLO head ug ang management sa club. /


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph