Kaso ni Angelie naa sa preliminary investigation; ebidensya circumstantial

NAPALGAN. Gidayungan sa duha ka mga personnel sa usa ka punerarya ang lawas sa usa ka babaye nga wa nay ulo, mga kamot ug mga tiil nga giputos og trapal dihang nakaplagan sa Sabado sa buntag, Oktubre 24, 2020, sa sapa sa Sityo Kalubihan, Barangay Talamban, Dakbayan sa Sugbo. Gituohang ang lawas naabot sa dapit human gianod sa baha pipila ka mga adlaw ang nakalabay. (Benjie B. Talisic/SunStar File)
NAPALGAN. Gidayungan sa duha ka mga personnel sa usa ka punerarya ang lawas sa usa ka babaye nga wa nay ulo, mga kamot ug mga tiil nga giputos og trapal dihang nakaplagan sa Sabado sa buntag, Oktubre 24, 2020, sa sapa sa Sityo Kalubihan, Barangay Talamban, Dakbayan sa Sugbo. Gituohang ang lawas naabot sa dapit human gianod sa baha pipila ka mga adlaw ang nakalabay. (Benjie B. Talisic/SunStar File)

NAA pa sa preliminary investigation ang kasong parricide nga gipasaka sa kapulisan batok kang Harold Kintanar, bana ni Angelie Lopez-Kintanar, kinsa luog nga gipatay pinaagi sa pag chop-chop sa lawas.

Ang kaso napasaka niadtong Pebrero 18, 2021.

Matod ni Mandaue City Prosecutor Mary Francis Daquipil nga nagpadayon pa ang ilang preliminary investigation sa kaso, diin mokabat og 60 ngadto sa 90 ka adlaw gikan sa pag-assign niini sa piskal.

Human sa preliminary investigation niingon si Daquipil nga una ipasaka ang kaso sa korte ug diha na luwatan ang warrant of arrest.

Nagdumili una sa pahatag og dugang mga detalye si Daquipil aron dili madisturbo ang nagpadayon nga imbestigasyon.

Gahuwat sa warrant

Nagpaabot pa gihapon ang kapulisan nga mopagawas og warrant of arrest ang korte, sigon ni PLtCol. Jovic Villarin, pangu sa City Investigation and Detective Management Unit (CIDMU) sa Mandaue City Police Office (MCPO).

Karon sa pagpasaka nila sa kaso, miingon si Villarin nga sigurado na silang nakapanghipos na sa mga posibleng ebidensya batok kaniya si Kintanar tungod kay dugay na nahitabo ang pagpatay.

Dako ang pagsalig ni Villarin nga lig-on ang ilang mga ebidensya bisan kon”circumstancial evidence” kini.

Ang igsuon ni Angelie nga si Ronald Lopez nagpatabang sa media tungod sa kahinay sa dagan sa kaso.

Apan giklaro ni Villarin nga di ingon nga wala pa makairog ang kaso karon sukad niadtong Pebrero tungod kay mao kini ang proseso sa pagpasaka og kaso.

Si Villarin usa sa mitabang sa imbestigasyon nga gihimo sa Subangdaku Police Station, niingon siya nga niadto pang Disyembre nila nailhan nga si Angelie ang tag-iya sa mga parte sa lawas nga nakit-an sa Ouano Wharf ug sa Butuanon River.

Human niini, gipahigayon dayon nilang Villarin ang imbestigasyon sa kaso.

Matod silang gidudahan nga mga na-missing nga posiblenng nanag-iya sa mga parte sa lawas apan kang Angelie kini nagtakdo base sa ilang cross matching sa fingerprint, DNA ug dental examination.

Samtang nipasalig ang hepe sa kapulisan sa Central Visayas, Police Brigadier General Ronnie Montejo, nga ilang mapanubag sa balaod ang responsabli sa linuog nga pagpatay ni Angelie.

Matod ni Montejo nga di lang una siya mo hatag sa kompletong detalye sanglit napasaka na nila ang kaso.

Iyang gipaniguro nga ilang gi monitor ang kaso ug di njla kini pasagdan hangtod nga makab-ot ang hustisya sa biktima.

Gihulagway ni Montejo nga lig-on ang ilang ebidensya nga magtumbok sa suspek.

Gihimakak usab sa PRO-7 director nga hinay ang dagan sa ilang imbestigasyon ila na dayon nga napasaka ang kaso human makakuhag mga ebidensya.

Niadtong unang semana sa Enero nigawas ang dental record matching nga positibo.

Sa paglabay sa usa ka semana kapin nakompirmar usab sa DNA testing nga ang body parts nga napalgan iya ni Angelie. (KFD, AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph