Miambak gikan sa ika-19 ka andana nga building

(Hulagway gikan ni Arnold Y. Bustamante)
(Hulagway gikan ni Arnold Y. Bustamante)

Patay ang usa plumber human ni miambak kaganihang buntag gikan sa ika-19 ka andana sa padayon pang gitukod nga building.

Ang maong edipisyo nahimutang sa 13th avenue Barangay Tejero, Cebu City.

Gi-ila ang namatay nga si Emilio Laraga Mapalo Jr. alyas Jun-jun, 20, taga San Franciso, isla sa Camotes ug sakop sa Trade Constructor company.

Sigun sa naka saksi nga si Noel Luchavez 46, nga taga Cabadiangan lungsod sa Compostela nga mao usab ang lead man sa trade constructor nga kalit lang midagan ang biktima ug dayong ambak sa building.

Wala na mahitsura ang panagway niini human mahagsa ang lawas sa ground floor.

Ilang gisusi ang cellular phone sa biktima ug didto ilang nakita ang text message nga iyang gipadala sa iyaan niini nga daw sa nanamilit na.

Matod sa iyang text “ teya pakisabi kay mama mga kapatid ko mahal ko kayung lahat patina sila lola I miss you, pag amping mo palagi ha.”

Gisusi pa kon unsay hinungdan og nganong nahimo ni Mapalo nga magpakamatay. (Arnold Y. Bustamante)

Kung ikaw may kailang nanginahanglan og tabang, o ikaw mismo nanginahanglan og masultihan sa imong gihambin nga emosyon, mamahimo nimo ni sila nga makontak: DOH Suicide Prevention hotlines: 0917-899-8727 (USAP) 0917-989-8727 (USAP).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph