SUPERBALITA DAVAO

Makig-sex bugti sa shabu

Hulagway gikan sa Davao City Police Office

USA ka aktibong pulis nga taga Davao City ang nasikop sa usa ka operasyon nga gikasa sa awtoridad pinangunahan sa Talomo Police Station.

Ang suspek giila sa Davao City Police Office (DCPO) nga usa ka police corporal, 36 anyos, gikonsiderang Top 5 sa Regional Level sa PNP/PDEA Drug Watchlist.

Subay sa spot report nga gipagula sa DCPO, naka-assign kini sa 1105th Manuever Company sa Kapatagan, Davao del Sur, ug nagpuyo sa Matina, Davao City.

Sa imbestigasyon, alas 10:40 sa buntag niadtong Mayo 16, gihimo ang buy-bust operation sa Room 502, sa Oh George Drive Inn, Ecoland, Davao City.

Nakuha gikan sa dinakpan ang upat ka pakite sa gituohang shabu nga mitimbang og usa ka gramo, balor P15,000, buy-bust money, personal items ug expired PNP ID.

Gisurender sab sa dinakpan ang giisyung armas kaniya ug ang PNP badge.

"Sinayang nya lang yung serbisyo nya. Napakaraming tao na gustong maging pulis pero hindi nabigyan ng tsansa tapos heto sya at nasa serbisyo na ay nagawa pang sirain ang binigay na oportunidad sa kanya na makapagtrabaho ng maayos," sulti ni Major Sean Logronio, hepe sa Talomo Police Station.

Sumala ni PS-3 Drug Enforcement Unit head Police Lieutenant Cesar Aaron Robles nga ang dinakpan mohanyag og libre nga druga ngadto sa mga babaye bugti sa pakighilawas, hinungdan nga giukoy dayon kini sa awtoridad.

"Let us show our respect and love for the PNP by giving our honest and genuine police service. Surely, those who will perform their jobs well will be rewarded, but those who will betray their oath and badges will face the full extent of the law especially that our City Director, PCol Kirby John B Kraft, is very strict in the PNP Internal Cleansing program and does not tolerate PNP scalawags," dugang ni Logorio.

Sa kasamtangan, ang suspek anaa gikustodiya sa Talomo police station samtang giandam na ang posibleng kaso nga ipasaka batok kaniya didto sa korte.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph