Ang Department of Social Welfare and Development (DSWD) Field Office VII, Cebu City nangayo og tabang sa publiko sa pagpangita sa mga ginikanan ug kaparyentihan sa duha ka mga bata.
1. Batang lalake nga gitagaan og pangalan nga Joshua C. Cabuguas nga gibanabana nga pito ka adlaw sa dihang gibilin sa usa ka babaye nga wala nailhan niadtong Disyembre 14, 2005 sa alas 2:00 sa hapon ngadto kang Sonia Cabuguas sa ilang panimalay sa St. Anthony Village, Highway 77 sa Barangay Talamban, Cebu City. Ang bata karon kay 15 anyos na.
2. Batang lalake nga gipanganlan og Zian Repolidon, natawo niadtong Marso 27, 2019 sa Cebu City Medical Center. Gibanabana nga 11 pa ka adlaw sa dihang gibilin sa usa ka babaye nga gituohang inahan nga si Agnes Ministerio Repolidon niadtong Abril 7, 2019, alas 9:00 sa buntag duol sa Basilica Minore del Sto. Niño ngadto kang Gloria Poloyapoy. Si Zian kasamtangan nahimutang sa kustodiya sa usa ka licensed foster parents kinsa gidumala sa DSWD FO VII para maamumahan.
Kon mapakyas ang mga ginikanan ug kaparyentihan sa pagpatim-aw ug pagkuha sa bata sulod sa usa ka buwan, mamahimo na nga mapasang-at ang administrative abandonment sa bata sa buhatan sa DSWD Central Office.
Mamahimo nga makigkita sa social workers nga si Jeffrey P. Razonabe ug May Sunshine G. Sastre sa buhatan sa DSWD, Field Office VII, M.J Cuenco Avenue Corner Gen. Maxilom Avenue, Barangay Carreta, Cebu City o tawag sa landline (032) 412-9908 ug 232-9505 ug mobile phone 0947-644-1437.
Kon walay motunga nga ginikanan o mga paryenti sa bata sulod sa usa ka bulan, ang bata ipaubos sa legal abandonment sa DSWD 7 ug maisyuhan og certification nga siya Legally Available for Adoption. / PR