Dear Papa Joe,
Tawga ko sa ngan nga Lonnie, 30 years old, usa ko ka businessman ug may uyab ko nga OFW.
Ang akong suliran kay about love. Abi man gud nako nga sakto na abf iyang kontrata ug mouli siya diri para magminyo mi. Pero karon lang siya nisulti nga mo extend siya og laing kontrata kay lagi siyay gisaligan sa iyang pamilya ug naa pay balay nga gastuhan. Pero ngano man diay og magtinabangay mi? Pwede ra man di ba?
Karon gusto na siya makigbuwag nako pero ako di kadawat. Unsay buhaton ko? Please tambagi ko.
LONNIE
Lonnie,
Dong, ayaw padala ana. Pagsabot ug pag-estorya mo. Kay tinuod di sad lalim nga ikaw saligan sa pamilya.
Siguro sa primiro, kon mouli siya ug magka kamo na gyud pwede pa ka modupa ana. Pero madugay moreklamo gyud ka kay naa na baya moy pamilya. Mao pag-istorya gyud mo kay kon di ka makadawat nga mag dugay pa siya didto, ayaw pag antos kay wa ka masayud na sad nga inig human sa kontrata ron, mo extend na sad. Maalkanse gyud ka. Mao nga huna-hunaa gyud. Daghang salamat.
PAPA JOE
(sa inyong tampo ipadala lang sa papajoesuperb@gmail.com)