SUPERBALITA CEBU

Editoryal: Kahimsog sa pangutok

Editorial Cartoon by Gilbert Manantan

Ang mental health o kahimsog sa pangutok importante kaayo. Apan wala hatagi og igong gibug-aton sa regular nga medikal nga konsultasyon ug programa ang kagamhanan. Ang problema sa pangutok lisod usahay mabibaw-an human pipila ka kaso sama sa normal nga tawo. Pwera kon buang na gyud.

Nahisgotan nato kini tungod sa pagtumaw og balik sa taho bahin sa “chop-chop lady” nga nailhan na sa pamilya pinaagi sa DNA test sa nakaplagang nakatag nga parte sa lawas niini sa mga dakbayan sa Sugbo ug Mandaue sa 2020. Ning bag-o lang, nagtukma ang resulta sa test nga nasubay sa iya ni Angelie Lopez Kintanar, 37, human sa walay puas nga pangita sa pamilya sa babaye nga unang gikatahong missing.

Inisyal nga suspek sa krimen mao ang bana, kinsa nipa-blotter sa kapulisan sa 2020 nga nilayas ang iyang asawa uban sa laing lalake, apan ang maong akusasyon gihimakak ni Harold Kintanar subay sa iyang affifavit. Samtang, ang Subangdaku Police

Station sa Mandaue nipasaka na og kaso batok kaniya. Paabuton na lang nato ang hukom sa korte.

Ang bana man o dili maoy naghimo sa krimen apan tataw nga ang nag-chop-chop sa babaye wa sa maayong panghunahuna. Daghang sama kang Angelie nga nabiktima sa ngilngig nga kamatayon.

Sumala sa usa ka artikulo nga nagpublikar online, ang mental illness maoy ikatulong labing komon nga disability sa Pilipinas. Dason sa samang taho, gibanabana nga dul-an sa 6 milyunes nga Filipinos dunay depresyon o anxiety, diin naghimo sa Pilipinas nga third highest rate sa mental health problems sa Western Pacific Region. Ang naghikog 3.2 per 100,000 population.

Daghang hinungdan sa mental problems. Usa niini mao ang mga bisyo ug pag-abuso sa gidiling druga. Ang mental health kinahanglang kabahin sa regular check-up ug medical missions.

Ug atong isinggit ang hustisya sa “chop-chop lady.” Palambuon ang kampanya sa mental health.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!