Bisan sa gatusan ka mga anak ug 16 ka mga asawa, plano gihapon niining usa ka lolo didto sa Zimbabwe nga pun-an iyang mga asawa og anak.
Upat sa 16 ka mga asawa niining 66 anyos nga si Misheck Nyandoro, beterano sa gubat, ang iyang kanunay idug matag gabie. Ganahan pa sab siya nga isip parte sa 38 anyos nga “polygamy project” niini.
Sumala sa taho gikan sa The Herald, nga ang bugtong trabaho lang ni Nyandoro mao ang “paglipay sa iyang mga asawa” nga maoy moluto, molimpyo ug mosilbi kaniya.
Ang amahan sa 151 ka mga anak nagplanong mopakasal sa iyang ika- 17 nga asawa ning tuiga ug naghinaot pa nga moabot sa 100 iyang mga asawa ug 1,000 ka mga anak sa di pa siya mamatay.
Si Nyandoro adunay plantilya sa mga ‘conjugal rights’ sa iyang mga asawa ug daghan siyang mga gikonsiderar nga aspeto sa paghimo niini.
Apan ang mga asawa di makahibaw sa ilang “duty” ngadto ni Nyandoro kung di sila bisitaon sa kwarto niini.
“I go to the bedrooms that I have on my schedule. I then satisfy my wife and move onto the next room. This is my job. I have no other job. I alter my behaviour in the bedroom to suit the age of each of my wives. I don’t act the same with the young ones as I do with the older ones,” ni Nyandoro sa The Mirror.
Dugang niya nga mas ganahan siyang mopakasal sa mga batan-ong babaye tungod kay wa na may interes sa sex ang mga guwang.
Kalabot sa kwarta, nga kanunay siyang makadawat og regalo ug kwarta gikan sa iyang mga anak.
Wa siyay trabaho ug kada adlaw, iyang bugtong buhaton mao ang paglingkod samtang gakaod sa mga pagkaon nga gihatod sa naglinya niyang mga asawa.
“Every wife cooks her best every day because the rule is I only eat what is delicious and I throw away what is not tasty. Every wife subscribes to that rule and does not get annoyed when I return her badly cooked food. It is the rule here. Rejected food should make her cook better next time,’’ paambit niya.
Singkwenta sa iyang mga anak ang kasamtangang nagtungha, unom niini nagserbisyo sa Zimbabwe National Army, duha ka pulis, ang 11 adunay managlahing propesyon samtang 13 sa iyang mga anak babaye ang minyo na.
Aduna sab siya anak nga lalake nga nisunod niya nga kasamtangang adunay 4 ka mga asawa.
Katapusan siyang naminyo niadtong 2015 apan nihunong tungod sa kalisod nga nasinati sa ekonomiya sa nasud, plano niya mopakasal og balik karong tuiga.