Aktibo nga mga kaso sa Oro padayong misaka, anaa na sa 954

MISAKA ang ihap sa mga aktibo nga kaso sa Cagayan de Oro human 85 ka mga bag-ong kaso sa Covid-19 ang natala sa dakbayan.

Miabot sa 5,998 ang kinatibuk-ang ihap sa mga kaso sa Covid-19 sa dakbayan, ug ang aktibo nga kaso anaa sa 954.

Sa 85 ka mga bag-ong kaso, 34 niini mga local cases with link, unom ang mga lokal nga authorized persons outside residence (Apors), 44 ang mga lokal index nga mga kaso, ug usa ang patay.

Matud ni Acting City Health Officer Dr. Lorraine Nery, sa 5,998 nga kinatibuk-ang kaso sa Covid-19, 438 niini mga ROFs/LSIs ug 5,560 ang mga local transmissions.

Ang Cagayan de Oro adunay 954 ka mga active cases, 226 niini na-admit sa Northern Mindanao Medical Center ug uban pang mga ospital sa syudad, ug 728 ang mga outpatients.

Nakatala usab og 20 ka mga coronavirus-positive nga mga kaso nga karon naka-recover. Anaa na karon sa 4,791 ang ihap sa mga nakarekober nga mga kaso sa dakbayan.

Sa maong numero, 313 ang mga LSIs, 124 ang mga ROFs, ug 4,354 ang mga lokal nga kaso (community: 3,697; Apors: 657).

Ang recovery rate sa Cagayan de Oro anaa sa 79.87 percent.

Ang ihap sa mga namatay sa Covid-19 sa syudad anaa na sa 253.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph