Diay 200 ka mga punoan sa marijuana nga mahimo nang ma harvest unta aron ibaligya naibot sa mga sakop sa City Intelligence Unit sa Cebu City Police Office nga gipangulohan ni Police Lieutenant Colonel Randy Caballes sa sitio Kamansili, Barangay Pangamihan, Siyudad sa Toledo alas sa 10 Miyerkules sa buntag, Mayo 19, 2021.

Ang CIU nakadawat og impormasyon labot sa gipang tanom nga marijuana sa dapit gikan sa nagpakabana nga molupyo sa lugar.

Tungod niini, nakig alayon dayon ang CIU sa Provincial Intelligence Unit sa Cebu Provincial Police Office alang sa dungan nga operasyon.

Sa gimbestigasyon, migawas ang ngalan ni alyas "Miguel" ang nag tanom sa mga punoan sa marijuana nga adunay Dangerous Drugs Board (DDB) value nga P80,000. (AYB)