SUPERBALITA CEBU

Imam gipusil patay sa Lapu-Lapu City

Patay diha-diha ang usa ka imam human pusila sa riding in tandem sa alas 8:10 sa gabii, Mayo 18, 2021 sa St. Michael Village, Barangay Pajac, Dakbayan sa Lapu-Lapu.

Ang biktima giila sa kapulisan nga mao si Cairoding Ampaso Palman, 43, nagpuyo sa nahisgutang dapit.

Siya usab ang presidente sa Darrusalam Urban Poor Association (DUPA).

Ang iyang asawa nga si Raima Saref Palman niasoy sa kapulisan nga ang iyang bana nipauli sa ilang balay ug nilakaw og balik sakay sa ilang traysikol.

Giatangan kini sa duha ka mga tawo nga nagmotorsiklo ug gipusil sa makadaghan.

Si Cairoden namatay diha-diha human maigo og ka usa sa dughan, ulo ug tagsa sa bukton.

Wa na maabti pa sa kapulisan ang lawas ni Cairoding kay gidala sa iyang pamilya subay sa ilang tradisyon.

Nakuha sa kapulisan sa crime scene ang duha ka mga kabhang sa mga bala sa crime scene. Wa pa maestablisar ang motibo. (GCM, REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph