Wala motubag ang Department of Health (DOH) 7 ug Cebu City Health Department (CCHD) kalabut sa nahitabo kang Engr. Fred Rafinan. Akong balikon dinhi nga si Engr. Rafinan gibakunahan sa iyang unang dose sa Sinovac vaccine sa Robinsons Galleria niadtong Abril 24. Sigon sa iyang vaccine card nga ang iyang second dose unya pa sa Mayo 24. Apan gibakunahan man siya sa pagka-Mayo 7 sa iyang second dose? Maayong tubagon sa mga sa DOH 7 ug sa CCHD kon husto ba kini ug unsay mahimong epekto niini? Kon mahimo diay kini, magbakuna nalang sab ko sa akong second dose karon inay sa Hunyo 4 pa. Murag naa rabay nagduda nga tingalig dili lang kuno kini tagdon aron dili modako.