Recovery rate sa Cagayan de Oro padayon miubos, anaa na sa 79.64%

PADAYON miubos ang recovery rate sa Cagayan de Oro bisan nakatala kini og 104 ka mga bag-ong nakarekober nga mga coronavirus-positive nga mga pasyente.

Ang kinatibuk-ang ihap sa mga nakarekober nga mga pasyente miabot na sa 4,921. Ang recovery rate sa dakbayan anaa na sa 79.64 percent.

Sa maong 4,921, 313 ang mga locally stranded individuals (LSIs), 124 ang mga returning overseas Filipinos (ROFs), ug 4,484 ang mga lokal nga kaso (community: 3,813; Apors: 671).

Nakatala usab og 78 ka mga bag-ong kaso sa coronavirus disease (Covid-19) ang Cagayan de Oro.

Sumala ni City Health Officer Dr. Lorraine Nery, sa 78 ka mga bag-ong lokal nga kaso, 32 ang mga local index nga mga kaso, 10 ang mga lokal nga authorized persons outside residence (Apors), 33 ang mga local case with link, usa ang person deprived of liberty (PDL), ug duha ang mga patay.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 6,179.

Sa 6,179 nga kinatibuk-ang kaso sa Covid-19 sa syudad, 438 ang mga ROFs/LSIs ug 5,741 ang mga local transmissions.

Ang Cagayan de Oro adunay 998 ka mga active cases, 246 niini na-admit sa Northern Mindanao Medical Center ug uban pang mga ospital sa syudad, ug 752 ang mga outpatients.

Ang ihap sa mga namatay sa Covid-19 sa syudad anaa na sa 260.

Related Stories

No stories found.
SunStar Publishing Inc.
www.sunstar.com.ph