MITAHAN sa kaugalingon dala pa niini ang iyang masuso nga anak ang usa ka babayeng miyembro ug naghupot og dakong posisyon sa New People's Army (NPA).
Miampo ngadto sa mga sakop sa National Bureau of Investigation (NBI) Tagum, Davao del Norte, Mayo 18, 2021, ang usa ka babaye nga si Ka Riya, 28, taga Sto. Tomas, Davao del Norte.
Sumala ni NBI Tagum Chief Essex Minguez nga si Ka Riya ang liaison officer sa Sub-Regional Urban Committee 4 ug Officer sa Regional Instructors Bureau Committee (SMRC).
"Lumapit sa amin yong live-in partner niya nagpatulong na gusto ng magsurrender ni Ka Riya, matakot mag-surrender sa pulis kay baka patayin siya, kaya kinuha namin sa Poblacion Monkayo at itinurn-over sa 1003rd Brigade ng Philippine Army," sulti ni Chief Essex Minguez nga nahinabi sa mga tigbalita.
Ang nahisgutan makahimulos sa Enhanced-Comprehensive Local Integration Program nga gitagana sa gobyerno sa mga motahan nga miyembro sa mga rebelde. (Jeepy P. Compio)