Nisalmot na sa 5-on-5 practice si 6th-time PBA MVP June Mar Fajardo atol sa ilang preparasyon didto sa Batangas City para sa nagsingabot nga season.
Kini ang gikumpirma ni Team Manager Gee Abanilla sa San Miguel Beermen kinsa sama sa ubang PBA team, hugot usab ang pagpangandam niining panahon sa pandemiya.
Ang pag-apil ni Fajardo maoy labing una human sa engkwentro batok sa Magnolia niadtong 2020 PBA season diin siya nagtan-aw nga maoy katapusang duwa sa PBA sa wala pa nag-lockdown gumikan sa Covid-19.
“Okay naman siya as reported to me,” Matod pa ni Abanilla.
Gustong pamatud-an sa Beermen nga sila pa gihapon ang powerhouse sa PBA human gipukling ang five time champion sa Philippine Cup gumikan sa injury ni Fajardo ug Terrence Romeo.
Ang Beermen, usa gihapon sa mga inilog sa umaabot nga season gumikan sa pagbalik sa duha ka stars uban nilang Marcio Lassiter, Alex Cabagnot, Chris Ross ug Arwind Santos.
Anaa usab ang murag kabaw moduwa nga si Mo Tautuaa apan madelatar ang iyang pagsalmot sa practice gumikan sa 3x3.
Dili sab hikalimtan ang ilang bag-ong pambato nga si CJ Perez kinsa nakuha nila gikan sa Terrafirma kinsa sama ni Tautuaa apil.sa Fiba 3x3 OCQ tournament. (PAC)