Ang actor nga si Joshua Garcia makita na usab nato ug balik sa teleserye, morag tuig na nga wala nato siya sa usa ka serye.
Karon siguradong na nga balik teleserye ang guapo kay apil kini sa umaabot nga drama series nga “Viral”.
Ang “Viral” gipangunahan nilang Charlie Dizon, Jameson Blake, Dimples Romana ug Jake Cuenca.
Atol sa zoom briefing apil si Joshua nga gihisgutan ang mahitungod sa mga healthy protocol ini sa lock in taping.
Gawas sa mga bida apil usab sa maong briefing silang Maxine Magalona, Ria Atayde, Gian Magdangal, Markus Paterson ug uban pa.
Bag-ohay lang nga nahiapil dinhi ang Joshua Garcia sa original cast kay wala kini labot kon unsa ang iyang papel dinhi ato kanang masayran sa umaabot.
Sa akong nasayran ang sugilanon niini nagsugod kang Charlie Dizon nga nahimong biktima sa usa ka viral video nga maoy nakapa-usab sa iyang kinabuhi.
Si Dimples ug Jake ang mahimong ginikanan niini ug si Jameson ang love interest ubos kini sa direksyon ni Dado Lumibao ug Froy Leonardo.
Sa mga fans ni Joshua Garcia, nga dugay nang nagpaabot tiaw moy usa ka tuig na ang nilabay human sa “The killer bride” ang katapusang serye diin inyo siyang nanuntan, ay’g saba.
ATNGANAN
Laing serye nga atong nuntan mao ang Filipino bersyon sa hit BBC series nga “Doctor Foster” ang “The broken marriage vow” ang bida dinhi si Jodi Sta Maria isip Dr. Jill Ilustre, Dr. Foster sa original series.
Kauban usab nila dinhi si Zanjoe Marudo, Sue Ramirez ug Zaijan Jaranilla ubos sa direksyon ni Concepcion Macatuno hatud kanato sa Dreamscape Entertainment.
Samtang si Sue Ramirez nagbaha ang luha sa dihang nadawat niya ang balita nga usa siya sa cast sa maong serye.
Si Sue ang mahimong other woman dinhi nga maoy hinungdan nga nag-uban ang pamilya nilang Jodi, Zanjoe ug anak nilang si Zaijan.
Malipayon ug emosyonal kaayo ang Sue Ramirez sa dihang nadawat niya ang balita sa iyang manager para sa maong role.
Usa ka dakong proyekto kini para kaniya mao nga pwerti niyang hilak kay wala kini magtuo nga ihatag kaniya ang maong papel.
Ika-unom kini nga international adaptation ang sa Pilipinas human sa South Korea, Turkey, India, Russia ug France.
Nakakuha ug taas kaayo nga rating sa cable TV drama ang Korean remake ini nga “The world of the Married”.
Gisundan sab kini ug maayo sa mga Filipino fans sa dihang gi-ere kini dinhi sa ABS-CBN, ay’g saba!