Dear Noy Kulas,
Tagoa lang sa ko sa ngan nga Ferdie. Minyo ko ug dunay mga anak. Wa kahibawo ang akong asawa nga silahis ko kay sekreto man kaayo ko. Bisan ang akong friends nagtuo nga lalake ko kay ila kong tawgon kaniadto og playboy. Sa pagkatinuod, Noy, dali kong pul-an og babaye kay half of me ganahan og lalake.
Starting last year, nakaila nako sa usa ka dating site ang usa ka bisexual pareho but nag based siya sa US. Nagkasuod mi ug nagkarelasyon. Naay time nga mag sex ni thru video call. Makahimo ko ani kay duna nay places karon nga pwede mo check in ug adto ko aron private kaayo.
Karon gusto niya nga moadto ko sa US moapas ko niya ug siya ang mogasto sa tanan. Gusto kong moadto pero naglibog ko unsaon nako og sulti ang akong asawa ug akong pamilya. Maayo ra man ang akong business ug wa mi maglisod sa pagpuyo. Maayo kaha moadto ko? Lami na kaayo iladlad pero akong gihuna-huna ang akong asawa. I need your advice. Daghang salamat.
FERDIE
Ferds,
Seguradong maguba ang imong pamilya kon imong paundayunan ang imong gibati. Busa ayaw og adto sa US. Nagtukod man ka og pamilya unya kana di man na sand castle nga imo lang gub-on, bungkagon sa labing dakong kasayon. Kay imo man nang gisudlan ug nakaanak pa mo, puy-i nang kinabuhia bisan tuod kon deep inside, naay gusto mogawas gikan nimo.
Duna koy nailhang babaye nga sama nimo, bisexual. Naa say anak ug bana. Kompleto ang pamilya. In private, angkon siya kinsa siya without her family knowing it. But ingon pa niya, iyang agwantahon ang tanan alang sa iyang pamilya.
NOY KULAS
kulassuper@sunstar.com,ph ug rojval69@yahoo.com