SUPERBALITA CEBU

Bakbakan na!

IPAHIGAYON na karong adlawa ang sumbagay nga bidahan ni Nonito Donaire Jr. batok sa reigning champion Nordine Oubaali sa France para sa World Boxing Council bantamweight title sa Carson, California.

Suwayan og labni ni Donaire ang titulo sa 118-pound championship sa iyang pagsaka sa ring dul-an duha na katuig ang nakalabay human siya gipilde sa Japanese nga si Naoya Inoue para sa unification title niadtong 2019

Bisan pa sa taas nga pahuway, wala maglisod si Donaire pagkuha sa iyang timbang nga 117.5 pounds atol sa ilang official weigh-in kagahapon sa Dignity Health Sports Park.

Si Oubaali kinsa maoy ikatulo niyang pagdepensa sa iyang bakus adunay samang timbang, 117.5 pounds para sa ilang 12-round kansang sumbagay dul-an usa ka tuig usa nadayon gumikan sa Covid-19, diin nataptan sa virus si Oubaali.

“It would be great to win the title at 38 years old and become the oldest champion at 118 pounds, but let’s keep it going. Let’s make it 40. Let’s make it 42. There ain’t no stopping me. Mentally, I’m very grateful, but at the same time, I’m just very ready,” Matod ni Donaire.

Ang Filipino protagonist adunay 40-6 record uban sa 26 ka knockouts samtang gipakagamay lang kini sa iyang kontra nga taga France nga 34 anyos.

“The difference in the fight is going to be I want to win more. I want to continue to make history and stay as the world champion in this division. I know that it’s my time. I want this more than he does,” padayag ni Ouabaali kinsa adunay 17-O record uban sa 12 KO.

Si Donaire nagpanikad na nga iyang malangkat ang bakus nga kasamtangang gibandera ni Ouabaali kinsa sama kaniya niduwa sa undercard sa Japan niadtong 2019. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph