MAHIPUNTING ang mata sa mga Filipino boxing fans karong Dominggo sa buntag, Mayo 30, 2021 ngadto ni Nonito Donaire Jr. kinsa mosuway og langkat sa World Boxing Council (WBC) bantamweight title ni Nordine Oubaali sa France didto sa Carson, California.
Tinguha sa 38-anyos nga Filipino fighter nga sa iyang pagsaka og balik ibabaw sa ring makulit na usab ang iyang pangalan 118-lb. Kini maoy una niyang away sukad sa iyang kapildihan sa mga kamot sa undefeated nga Hapon Naoya Inoue niadtong 2019.
Ang taas niyang pahuway daw og sa wala makaapekto kang Donaire sanglit dali ra kaayo niyang nakuha ang 117.5 pounds atol sa tinimbangay kaganiha, Sabado Mayo 29 (Mayo 28 sa Amerika) didto sa Dignity Health Sports Park.
Sama kang Donaire, si Oubaali kinsa modepensa sa iyang titulo sa ikatulong higayon, mitimbang usab og 117.5 lb.
Modagan og hapit usa ka tuig una pa nahinayon ang away human nataptan sa Covid-19 si Oubaali ug kinahanglan nga ihikling lang una ang maong away.
Niadtong higayona, si Donaire giparang na lang sa substitute nga si Emmanuel Rodriguez alang sa mao gihapon nga korona.
Pero daw og gisungog sa panahon, kay si Donaire na man pud ang natakdan sa maong virus, hinungdan nga gihulipan siya sa laing Pinoy fighter nga si Reymart Gaballo haduol na unta sa away.
Niini, ang Gaballo-Rodriguez showdown gibutang nga usa ka interim bantamweight title diin si Rodriguez maoy miguwang mananaog pinaagi sa split decision batok sa kanhi woirld champion nga Mexicano.
“It would be great to win the title at 38 years old and become the oldest champion at 118 pounds, but let’s keep it going. Let’s make it 40. Let’s make it 42. There ain’t no stopping me. Mentally, I’m very grateful, but at the same time, I’m just very ready,” padayag ni Donaire (40-6, 26KOs).
Alang kang Oubaai, 34, nga nilabay na ang panahon ni Donaire.
“The difference in the fight is going to be I want to win more. I want to continue to make history and stay as the world champion in this division. I know that it’s my time. I want this more than he does,” maotod usab ni Oubaali kinsa naghupot sa 17-0, 12 KOs nga baraha. (JB