SUPERBALITA CEBU

Nalzaro: Mga mugbo okay na mag-pulis

Saksi

ANG mga mugbo o putot dili na angay mabalaka nga dili sila dawaton sa recruitment sa pagka-pulis, bombero ug jail guards. Kini human pirmahi na ni Presidente Rodrigo Duterte ang balaudnon nga nag-adjust sa height requirements sa mga gustong mosulod isip miyimbro sa Philippine National Police (PNP), Bureau of Fire Protection ug Bureau of Jail Management and Penology (BJMP) ug Bureau of Corrections (BuCor).

Ubos sa Republic Act 11549 nga gipirmahan na ni Presidente Rodrigo Duterte niadtong Mayo 26, 2021, ang minimum height requirement sa gustong mo-apply sa maong mga ahensiya, kon lalake, gikan sa 5’3 ngadto sa 5’1 na lang. Kon babaye, gikan sa 5’1 ngadto na lang sa 4’9. Samtang mga cultural communities o indigenous groups (sama sa mga lumad) exempted sa maong height requirement. Ang original nga nangamahan ning maong balaud mao si Cebu third district Congressman Pablo John Garcia. Congrats ni Kong. PJ kay dili basta-basta ang pagpapasar og usa ka balaod.

Gi-usab sa maong balaod ang height requirement gumikan kay daghang mga nahagbong niini nga gusto untang mag-pulis. Busa kadtong mga putot o mubo, puwede nang makasulod sa maong mga ahensiya. Makakita na unya tag mga pulis diha sa kadalanan nga mga mugbo o putot. Maayo nang mubo kay kusog modagan itandi sa mga dagkog tiyan. Kanang 4’9 sa mga babaye, mubo na baya na. Walay labot ning maong balaod ang mga sakop sa armadong kusog.

Pangag

Pero ang mga pangag dili dawaton sa pagkasundalo. Kay dihay mi-apply pagkasundalo.

Applicant: Sir, mo-apply ko sa Army.

Recruiter: Dili ka madawat kay pangag ka ug posteso imong ngipon.

Applicant: Siyalan man diay nang gubat’ Sir, pinaakay ug kinitkitay?

Yutang batuon

Diha poy lain aplikante nga taga Dalaguete:

Applicant: Sir, mo-apply ko sa Army.

Recruiter: Andam ba kang molaban ug magpakamatay sa imong yutang natawhan?

Applicant: (Tunada sa taga Dalaguete) Ah, molaban anang yutang batuon! Haha.

(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph