SUPERBALITA CEBU

Super Suroy: Ang kaanyag sa Matahom Paradise

“MATAHOM” Binisaya nga pulong sa “attractive,” “beautiful,” “lovely,” ug “nice.”

Mao kini ang akong ikahulagway sa bag-ong resort sa amihanang bahin sa Lalawigan sa Sugbo, ang Matahom Paradise Villas.

Ang Bali-inspired resort nga anaa mahimutang sa Kawit, Medellin sa Probinsiya sa Sugbo.

Marso 2021 gibuksan ang resort nga gipanag-iya ni Dr. Franklin Vicoy, usa ka dentist.

Tungod kay bag-uhay pa nagpadayon pa ang construction sa pipila ka villas sa resort apan ang tag-iya misaad nga sulod sa 2021 kini gikatakdang mahuman.

Ang Matahom Paradise Villas kasamtangan nga maabangan nga exclusive tungod kay limitado pa man ang ilahang rooms.

Packages

Duha ka packages ang pwede ma-avail sa gusto og private beach resort experience ang Maganda ug Chada package.

Sa Maganda Package nagkantidad kini og P8,500 nga good for 2-3 persons. Makagamit na sa front villa, adunay free breakfast, ug libre usab ang gamit sa resort amenities.

Samtang ang Chada Package, nagkantidad kini og P12,000 diin good for 7 persons.

Mamahimo nang makagamit sa front villa ug duha ka rooms, anaa sab kini breakfast, use of resort amenities, ug libreng gamit sa usa ka kayak for 30 mins.

Apan kon mosobra ngadto sa pito ka tawo ang guest mamahimo usab nga moabang sa ilahang glamping tent nga good for 4 with breakfast.

Aduna’y kaugalingon nga pool ang resort, again bisan asa nga package ang imohang i-mine, exclusive sa pagkakaron ang resort.

Kinahanglan ma-try sa mo-stay ang kaanindot sa ilahang comfort room nga open kini ug aduna’y bath tub, unique ug very Bali-like.

Unsaon pag-adto?

Kon gikan ka sa Dakbayan sa Sugbo, gibana-bana nga anaa sa kapin sa duha ngadto sa tulo ka oras ang biyahe paingon sa Medellin.

Anaa sa SM City Cebu ang North Bus Terminal sa kadtong way pribadong masakyan adunay bus nga mobiyahe paingon sa Daanbantayan via Kawit.

Mamahimo usab nga mag v-hire o kaha mag black or premium taxi nga mobiyahe usab kini paingon sa Norte, anaa ra sa P350 ang plete ang one-way trip.

Di kabintahaan

Dili tuod wa mailhi ang Medellin sa pristine white sand beaches apan motigi na kini sa silingan niini nga lungsod sama sa isla sa Bantayan.

Tungod kay exclusive, bisan unsa ang inyohang gusto mamahimo kini, but of course, kinahanglan gihapon motuman sa rules and regulations nga gi-set sa resort.

Maayo ang exclusive karong panahona hilabi na nga anaa pa ang pandemic.

Gawas sa maanindot nga resort, must-try usab ang pagkaon dinhi ug ang spicy fried squid, ayaw gyud sipyata.

Most of all, the best ang staff -- hospitable, accommodating, ug inyong ma-experience ang quality service.

Naa pay nahabilin nga semana sa dili pa matapos ang summer, ayaw sipyata pagpa-book sa Matahom.

Alang sa bookings, mamahimo nga mo-contact nila pinaagi sa Facebook ug Instagram nga Matahom Paradise Villas o sa 0927-539-2854.

***

Modawat og contributor

Sa mga “certified hinuroy” mamahimo ninyong i-submit sa Superbalita Cebu ang inyong kasinatian sa mga dapit nga inyong nasuroyan.

Higayon na nga mapatik dinhi sa pamantalaan ug sa Superbalita Cebu website ang inyong Suroy escapade.

Mamahimo ninyong i-submit ang inyong materials (maximum 500 words o 3,000 characters/high resolution pictures): florendaquerubin@gmail.com alang sa dugang pangutana mamahimong makatawag sa 09154410665.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph