PADAYON ang pagsaka sa ihap sa kumpirmadong mga kaso sa Cagayan de Orohuman kini mitala og 120 ka mga bag-ong kaso sa coronavirus disease (Covid-19), sumala sa report sa City Health Office Biyernes, Hunyo 4.
Miabot sa 7,659 ang kinatibuk-ang ihap sa mga kaso Covid-19 sa dakbayan, ug ang mga aktibo nga kaso anaa sa 1,434.
Matud ni Acting City Health Officer Dr. Lorraine Nery, nakatala ang syudad og 38 ka mga local cases with link, 20 ka mga lokal nga authorized persons outside residence (Apors), 39 ka local index nga mga kaso, 20 ka mga persons deprived of liberty (PDLs), ug tulo ang mga patay.
Sumala sa report City Health Office, sa 7,659 nga kinatibuk-ang kaso sa Covid-19, 440 niini mga ROFs/LSIs ug 7,219 ang mga local transmissions.
Ang Cagayan de Oro adunay 1,434 ka mga active cases, 354 niini na-admit sa Northern Mindanao Medical Center ug uban pang mga ospital sa syudad, 1,079 ang mga outpatients, ug usa ang LSI.
Ang recovery rate sa dakbayan anaa na sa 76.81 porsyento.
Nakatala ang syudad og 65 ka mga coronavirus-positive nga mga kaso nga karon naka-recover. Naa na karon sa 5,883 ang ihap sa mga nakarekober.
Sa maong numero, 313 ang mga LSIs, 124 ang mga ROFs, ug 5,446 ang mga lokal nga kaso (community: 4,585; Apors: 861).
Ang ihap sa mga namatay sa Covid-19 sa syudad anaa na sa 342.