NIPASALIG ang Visayan Electric (Veco) sa iyang mga kustomer nga ang rotating brownouts nga nahitabo sa Luzon tungod sa problema sa power supply dili mahitabo sa ilang franchise area.
Si President and chief operating officer Raul C. Lucero nagkanayon nga dunay igong supply Visayas Grid, ang Visayan Electric dunay kontrata alang sa diesel power plant tali sa Cebu Private Power Corporation (CPPC), nga mohatag og peaking ug dispatchable power ngadto sa Veco labina sa panahon kon lisod kaayo ang grid supply.
“Visayas is still okay in terms of power reserves as reported by the National Grid Corporation, which is why we are doing fine compared to Luzon. However, in case there will be concerns in power reserves in the Visayas, our customers in Visayan Electricare assured that rotating brownouts will be minimal or will not happen at all because it has a power supply agreement with Cebu Private Power Corporation,” matod ni Lucero.
Ang kontrata maghatag og igong supply sa kuryente.
“This is the importance of bilateral contracts with power generators, that they can provide what we need in case there are concerns with
power supply,” dason niya.
Sa Visayan Electric’s radio program Power Fridays sa station dyLA, si Engr. Jorey Maleza sa Department of Energy Region 7 niingon nga dunay igong power plants sa Visayas nga mo-supply sa demand ug dili mahitabo ang rotating brownouts.
Si Maleza nibutyag nga pipila ka rason sa problema sa power supply sa Luzon mao ang unplanned power plant outages ug power plant preventive maintenance schedules.
Kagahapon, Hunyo 4, ang power reserves sa Luzon mibalik na sa normal ug ang energy department nagpaabot nga kini mopadayon na.
Niadtong Hulyo 2017, ang Veco nipatuman sa rotating brownouts human ang mga pasailidad sa NGCP naapektohan sa magnitude 6.5 earthquake sa Central Leyte. (PR)