MOABOT sa 60 porsyento sa kapin sa 11,000 ka Facebook users nga naabot sa SunStar’s Poll sa Martes, Hunyo 1, 2021, niingon nga “enough is enough” dihang gipangutana kon pabor ba sila kang Presidente Rodrigo Duterte nga modagan pagka bise presidente sa 2022 national elections.
Ang SunStar nipahigayon sa poll pinaagi sa iyang Facebook page sa facebookl.com/sunstarcebu human ang mga sakop sa Partido Demokratiko Pilipino-Lakas ng Bayan (PDP-Laban) sa Lunes, Mayo 31, 2021 nipasar og resolution nga nag-awhag kang Duterte nga magpapili pagka presidente ug naghatag kaniya og kagawasan sa pagpili kinsa ang iyang ipares nga kandidato pagka presidente.
Ang nangapil sa poll namotar pinaagi sa pag click/tap sa angry icon alang sa “enough is enough” ug heart icon alang sa “totally agree.”
Ang post nakaabot sa 189,906 ka mga tawo, apan 11,314 ra ang ningbotar. Sa kapin 11,000 ka mga partisipante, 6,718 (59.3%) ningbotar sa angry icon (enough is enough), samtang 3,505 ningpislit sa heart icon (totally agree). Ang poll niani og 740 ka “likes”, 345 ka “haha” reactions, 20 ka “sad” siyam ka “wow” reactions.
Ang poll question gi-share og 386 ka mga higayon, samtang 2,000 ka mga partisipante ang nipagawas sa ilang mga komentaryo.
Usa ka netizen niingon “NO... Our country needs genuine leaders who will fight for its people... Those leaders who cannot afford to fool us AGAIN...”
“Enough. We want decency restored in the phil govt. 11 months to go. What anguish the Filipinos have experienced,” matod sa lain.
Bisan kon pipila ka netizens nipadayag sa ilang kasagmuyo, dunay pipila ka netizens niingon nga mas maayo nga si Duterte mopahuway na lang ug “enjoy life”.
“PRRD really likes to serve his country but he needs to rest and enjoy life with his family. He has done enough for Filipino people and retirement will do him good,” matod sa usa nga nikomentaryo.
Usa sa mga pabor sa Presidente nga modagan pagka bise presidente niingon, “He is very much qualified, so, why not.” Another said: “Totally Agree..we will support you??????.”
Sa Twitter, dunay kinatibuk-ang natigom nga 224 ka botos. Sa Hunyo 3, 2021, 5:58 PM, 67.4% niingon nga “Enough is Enough,” samtang 32.6% “Totally Agree” nga modagan si Duterte alang sa pagka bise presidente sa umaabot nga 2022 elections.
Sa taho nga gimantala sa SunStar Cebu sa Marso 10, 2021, moabot og 18 ka mga mayor sa siyudad ug lungsod nga kaalyado sa PDP-Laban nipadayag sa ilang pagsuporta nga si Duterte modagan pagka bise presidente 2022 national ug local elections.
Bisan sa awhag sa nagkadaiyang mga sektor, si Duterte wa opisyal nga nikompirmar o opisyal nga nideklarar nga siya modagan pagka VP.