DILI malikayan nga magtuo ang netizens nga hingpit nang giputol nila ni Miss Universe Philippines 2020 Rabiya Mateo ug nurse niini nga boyfriend nga si Neil Salvacion ang ilang relasyon nga milanat og pito katuig.
Sa dihang kagahapon, Hunyo 4, nasayran nga nag-iyahay og unfollow sila si Rabiya ug Neil sa Instagram.
Hinungdan nga gituohan nga nagbuwag na gyud sila ilabi na nga gisagunsonan ang mga taho mahitungod niini sa nagkadaiyang online news site ug social media page.
Unstable na
Una nang gikataho nga shaky na ang relasyon sa duruha sa dihang gipang-delete ni Neil ang ilang mga hulagway ni Rabiya sa iyang IG account.
Niadtong Mayo 30 giyagyag ni Rabiya nga kumplikado ang estado sa relasyon tali ni Neil.
“It’s a complicated situation and we need to talk about things when I go back to the Philippines.
“We’re friends, we’re friends. I still try to contact him but we need to have this space together as of the moment.”
“But I’m not closing any doors. We’ve been in this kind of situation before.
“We’ve been together for seven years and who knows po, who knows.”
Panaad
Sa wa pa mosangka sa Miss Universe pageant si Rabiya aduna silay gipanumpaan sa iyang uyab.
“He made me promise not to leave him even if I win the Miss Universe Philippines crown.
I have a video stating that! He made me do that,” asoy ni Rabiya.
Sa linaing interview niadtong Nobiyembre 2, 2020 gitug-an sa Ilongga beauty queen nga aduna silay saad kaniadto sa iyang uyab.
“May ara na ko migo. hahaha. 6 years na po.
“Buenas man ako sa iya. Actually proud gid siya ya noh.
“Pero gina-intindi ya gid ko subong. Like the busy schedule.
“Gina-intindi ya nga wala na ko masyado time para sa iya.
“Ang kailangan lang gid namon ni-remind nga even before the fame, I had him already.”
“Damo gahambal nga ang iban mabreak man na after having the crown.
“But we will make sure to work things out. If it’s true love, it will never end.”
Suitor?
Karong bag-ong nalambigit ang pangalan ni Rabiya ngadto sa kanhi Pinoy Big Brother housemate nga si Andre Brouillete samtang laing taho mitumaw nga adunay suitor ang Ilongga nga taga-Texas, USA. (Superbalita Cebu)