Kaso sa Covid-19 sa Cagayan de Oro anaa na sa 7,754

NAKATALA og 95 ka mga bag-ong kaso sa coronavirus disease (Covid-19) ang Cagayan de Oro, pulos mga local transmissions, sumala sa report sa City Health Office Sabado, Hunyo 5.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 7,754.

Matud sa City Health Office, sa 95 ka mga bag-ong lokal nga kaso, 10 ang mga lokal authorized persons outside residence (Apors), 56 ang mga local index nga mga kaso, 27 ang mga local case with link, ug duha ang mga patay.

Sa 7,754 nga kinatibuk-ang kaso sa Covid-19 sa syudad, 440 ang mga returning overseas Filipino workers/locally stranded individuals (ROFs/LSIs) ug 7,314 ang mga local transmissions.

Ang Cagayan de Oro adunay 1,466 ka mga active cases, 369 niini na-admit sa Northern Mindanao Medical Center ug uban pang mga ospital sa syudad, 1,096 ang mga outpatients, ug usa ang LSI.

Nakatala usab og 59 ka mga Covid-positive nga mga kaso nga karon naka-recover. Anaa na karon sa 5,942 ang ihap sa mga nakarekober nga mga kaso sa dakbayan.

Sa maong numero, 313 ang mga LSIs, 124 ang mga ROFs, ug 5,505 ang mga lokal nga kaso (community: 4,631; Apors: 874).

Ang recovery rate sa dakbayan anaa na sa 76.63 porsyento.

Ang ihap sa mga namatay sa Covid-19 sa syudad anaa na sa 346.


SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!