Gipalagpot sa Portland Trail Blazers ang ilang head coach human sila gipukan sa Denver Nuggets sa first round sa NBA playoffs.
Bisan pa og napasulod ni Terry Stotts ang Blazers sa playoffs sa walo ka season nga maoy labing taas nga record sa NBA team, apan wa kini makaluwas kaniya aron magpabilin siya sa iyang trabaho.
Ang duha ka kampo nagkasinabot nga magbuwag sa maayong kabubot-on kagahapon nga maoy nagtapos sa ilang siyam ka tuig nga panag-uban ug iyang nadala ang Portland isip playoff team.
“I have the utmost respect for Terry and what he has accomplished these past nine seasons.Terry will always hold a special place in the Trail Blazer family and the Portland community. We relied on the integrity, professionalism and consistency he brought to the job every day and we wish he and Jan nothing but the best,” padayag nj Blazers President Neil Olshey .
Si Stotts maoy ika-upat nga labing dugay nga nahimong head coach sa NBA karon kuyog nilang Gregg Popovich sa San Antonio Spurs, Erik Spoelstra sa Miami Heat ug Rick Carlisle sa Dallas Mavericks
Gumikan sa pagkabakante sa maong posisyon, nilutaw karon ang pangalan ni Jason Kidd, assistant coach sa Los Angeles Lakers, nga maoy mohulip kang Stotts.
Ang superstar sa Blazers nga si Damian Lillard pabor nga ang mohulip sa bakanteng pwesto mao si Kidd. (PAC)