SUPERBALITA CEBU

Vallena: Gamitang bike lane

Pedal

Samtang nagmaneho ko sa akong scooter niadtong Biyernes sa gabii, hapit ko makaigo og babaye nga nagbiseklita. Hapit mi magkaabot sa eskina nga one way ra, but maoy iyang giagian. In short, mi counterflow siya. Nakapamalikas gud ko kay nibuwag nako og kadiyot ang akong espiritu sa akong kakuyaw.

Gabii pa gyud ni nahitabo nga di kaayo makita ang kasugat sa karsada.

Nanaghan lagi ang mga tigbiseklita, apan nanaghan sab ang mga badlungon nga manikad sa karsada. Daghan nila nagtuong tag-iya sa karsada, labina kon daghan sila. Ang buhat sa pipila maoy nakabuling namo nga responsableng mga tigbiseklita. Naghuna-huna mi nga di lang kami ang road users, naa sab ang uban.

Bitaw, kon magbiseklita ta sa karsada, huna-hunaon nato nga nagsakay kita og sakyanan, apan di lang makina ang nagpadagan. Sa atong pagpasagad sa pagpadagan, kon di man kita maoy maoy maigo, kita ang makaigo. Bisan asa aning duha, kita ang hinungdan sa problema.

Kon mosikad man gani, please ayaw pagkiat sa karsada. Ayaw pag counterflow kay dako kaayo ang posibilidad sa disgrasya. Motugot ka ba diay nga ikaw ang mahimong hinungdan sa problema? Ikaw ang makaingon sa disgrasya? Sama adtong nanindag ice cream nga nakapisok og mata sa usa ka call center agent tungod sa iyang pag counterflow?

GAMITA

Naa na man gyuy mga bike lane sa kadalanan sa Dakbayan sa Sugbo nga gipamutang sa Department of Public Works and Highways (DPWH) 7, nganong di man gamiton alang sa ato, imong kaluwasan? Tinuod, naay nag park nga mga sakyanan. Unsay imong buhaton? Hunong, kuhai og plate number or kon taxi, iapil ang body number unya ipadala sa Messenger sa Sugbo Bike Lanes Board aron ilang maaksyunan. Ibutang sab ang oras, petsa ug asang dapita.

Ang chairman sa board, Atty. Gerry Carillo, nisulti nako nga aksyunan kini pinaagi sa pagpakigtambayayong sa Cebu City Transportation Office (CCTO) sa among pag estorya. Ilang ihatag sa CCTO ang tanang mga impormasyon.

Aron di na moabuso ang mga drayber, kada sikad nimo, gamita ang bike lane. Kon daghan ang grupo, mas labing maayo. Way mamadlong kon naa sa hustong lugar ang siklista.

MOUMENTO

Kon bag-o ka pang nagbiseklita, ayaw kauwaw kon mabitay ka sa grupo. Natural ra na. Ako sab bitaw ingon ana man ko dihang nagsugod pa ko og sikad. Sa ako nang giingon, kaupat ngadto sa kalima ko mopahuway sa pagtungas sa Barangay Guba. Mogikan mig alas 7 sa buntag, mauli og alas 11 sa udto tungod sa kahinay.

Nagkadugay, nagka taas na ang hangin ug nagkagaan na ang akong paminaw hangtod nga makaya na nakong way pahuwayay. Karon makaya ra, apan grabe gyud hinuon ka hinay. Apan ayaw ka discourage kay moabot rang panahon, moumento ra ang imong kusog ug hangin.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph