Manny magbangis pa?

PALABWAN ni 8th time division world titlist Manny Pacquiao ang iyang performance batok ni Kieth Thurman atol sa iyang pakigsakbang sa batan-on ug way pildeng Amerikano nga boksingero nga si Errol Spence Jr.

Ang senador sa Pilipinas nga gitawag og PacMan wa igsapayan nga underdog o dehado siya sa maong away sa mata sa mga eksperto sanglit gusto niyang pamatud-an nga aduna pa siyay ikabuga ug subling iwarawara ang bandira sa Pilipinas ibabaw sa korte karong Agusto 21 sa Amerika (Agusto 22 na sa Pilipinas).

Ang lumad nga taga General Santos City niingon nga para iyang makab-ot ang maong tinguha, kinahangkan nga iyang i-improve ang iyang conditioning ug speed.

Gumikan niini, gusto ni Pacquiao nga pagamyan ang iyang timbang aron mokusog pa ang iyang lihok sulod sa boxing ring.

Ang kampyon sa walo ka division sa boxing adunay 67-7-2 records uban sa 39 ka knockouts, mosuway og labni sa bakos nga gihuptan ni Spence, 27-0 ug 21 knockouts, para sa World Boxing Council ug International Boxing Federation welterweight crowns sa MGM Grand o sa Allegiant Stadium sa Las Vegas Nevada.

Gusto nga himuong hait nga hinagiban ni PacMan ang iyang power ug speed batok sa 5-foot-9 ¹/² nga si Spence sanglit taas kini og 4 inches ug 5 inches sa kamot aron iyang mabuntog ang number 2 sa pound for pound list.

Matod sa pambato sa Pilipinas nga bisan kon underdog siya sa maong away, mausab ra ang kamada niini inig kasingabot sa ilang away nga duha nalang ka buwan ug 16 ka adlaw gikan karon.

Gipasabot ni Manny nga ang iyang pagkapalta og away sulod sa duha ka tuig nakapahimo kaniya nga gutom sa kampyonato ug naka-recover ang iyang lawas gikan sa mga nadawat niining mga suntok sa niagi niyang mga away.

Iyang gihulagway nga daw sama siya sa usa ka batan-ong boksingero nga gustong pamatud-an ang iyang abilidad gumikan sa kataas sa iyang pahuway.

Niadtong Huwebes, si Pacquiao ug chief trainer nga si Buboy Fernandez madasigon sa pagpahigayon og ensayo sama sa pag-jogging, ga mitts ang PacMan, shadow boxed, gikulata ang bug-at nga punching bag ug speed ball sa wala pa nag-pagahi sa iyang tiyan pinaagi sa abdominal exercises.

Ang iyang away batok ni Spence Jr., maoy magsilbing barometro sa Team Pacquiao kon magpadayon pa ba og sukmagay ang ilang pambato o motutok nalang sa pagserbisyo sa publiko. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph