SUPERBALITA CEBU

Daclan: Dominique, Bea way gihapo’y kompirmasyon

Si Sam Costanilla (wala) misud-ong sa pagpirma sa kontrata aron sila si Lorna Cabasag Traya ug Atty. Win Prada mahiapil isip mga artista sa “Ang Pagbalik” telemovie nga sinuwat ug ubos sa direksyon ni Costanilla. Makita kini sa Help TV Facebook karong Hunyo 20 (6PM), Hunyo 21 (4PM), ug Hunyo 22 (8PM). / tampo

Ayg saba

Dominique Roque ug Bea Alonzo dugay na ning mga hungihong nga may relasyon ang duha apan hangtod karon wala gihapon tay nakuha nga kompirmasyon.

Apan padayon pa gihapon ang mga espekulasyon nga may something gyud ang duha.

Mawagtang ang mga tabi-tabi kadiyot pero mobalik ra usab gihapon.

Gani karon lang daghan na usab ang mga Instagram post ug stories ang nanggawas nga nagkuyog ang duha.

Bisan pa man og daling mawagtang ang mga Instagram stories apan dali sab ang uban nga naka-screen shot niini ug klaro kaayo ang ebedinsya nga may espesyal gyud sa usag-usa kanila.

Kon sa una sekreto lang kini apan karon makita na gani nga mo-react si Bea sa mga post ni Dominique.

Apan unsa gyud ang tinuod sa ilang relasyon? Kanus-a kaha nato makuha ang ilang kompirmasyon? Ay’g Saba!

* * *

Andrea Torres ang mahimong bag-ong leading lady ni John Lloyd Cruz sa usa ka sitcom nga e-produce isip blocktimer ni Willie Revillame ug John Lloyd mismo.

Mao kana ang usa sa mga nahisgutan ni Willie sa dihang nahinabi niini ang dramatic actor.

Matod pa usa sa host nga iyang tabangan si John Lloyd sa iyang career.

Gani nakaistorya na ni Willie ang executives sa GMA 7 ug ang ABS-CBN mahitungod sa pagtabang ini kang John Lloyd ug way problema gikan sa duha ka network.

Ang GMA network executive usab nagtuo nga mao na kini ang panahon nga mahimo nang Kapuso ang Kapamilya actor.

Kon nahinumdoman 20 ka tuig na ang nilabay diriyot na kining mahimong Kapuso.

Gikaistorya na nila ang actor ug giklaro nga wala na kini obligasyon sa kanhi network ug libre na kini karon.

Pero himuon kaha siyang exclusibo sa Kapuso network? Kana maoy atangan sa umaabot nga pagpinirmahay sa kontrata.

Na-intriga lang ko sa buhaton ining sitcom kauban si Andrea Torres namugna kaha kini para i-atbang sa sitcom nga sa “John en Ellen” sa Singko?

Kon dili man gani basin tungod kay ex-girlfriend ni Derek Ramsay si Andrea, nga present boyfriend ni Ellen Adarna nga ex usab ni John Lloyd, makaboang di buh, Ay’g Saba!

* * *

May bag-ong telemovie nga angay gyud natong tan-awon karong buwana, kini mao “Ang Pagbalik” ihatod kaninyo karong umaabot “Father’s Day.”

Ang mga artista nato dinhi silang Dante Luzon, Tess Diez, Dan Lopez, Joan Flores, Niña Alaura, Lorenz Evangelio, Don Emok (Tita Chula) ug espesyal nga partisipasyon sa Timeless Diva Dulce.

Gawas diay kanila ubanan usab sila nilang Lorna Traya ug Atty. Win Prada ayaw ninyo ug sipyata “Ang Pagbalik” sa Help TV Facebook karong Hunyo 20, 21, ug 22, dugang pang tsika sunod Dominggo, Ay’g Saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph