NAGPOSITIBO si Davao de Oro Vice Governor Maricar Zamora sa Covid-19.
Sa pamahayag pinetsahan Hunyo 3, gipahibawo ni Zamora nga nagpositibo siya sa kagaw.
"Today [Hunyo 3], I received my swab test result and unfortunately, I tested positive for [Covid-19]," pung pa sa bise gobernador sa iyang Facebook post.
Gisulti sa opisyal nga symptomatic siya ug isulod sa ospital aron nga mahatagan og medikal nga pagtagad.
Nanawagan siya niadtong nakaduol kaniya sukad Mayo 22 nga makig-alayon sa local health nga mga awtoridad ug isubmitar ang ilang kaugalingon alang sa contact tracing.
"As this virus rages, my positive test is a reminder that no one is immune from [Covid-19], that following all precautions as I have done is not a guarantee," dugang pa ni Zamora.
"This only underscores the seriousness of this virus. It’s a real threat – especially for our most vulnerable loved ones, friends, and neighbors," tin-aw ni Zamora.
Sa lahi nga post, iyang gisulti nga wala siya mawad-i og panlasa ug nagsige og kaon samtang na-quarantine sa pasilidad.
Niadtong Enero 21 karong tuiga, iyang amahan, Davao de Oro First District Representative Manuel "Way Kurat" Zamora nagpositibo apan nakarekober na.
Ang bise gobernador maoy pinakaulahing opisyal sa Davao Region nga nagpositibo sa kagaw.
Nagpositibo sab sa Covid-19 virus sila Davao Oriental Governor Nelson Dayanghirang ug Island Garden City of Samal (Igacos) Mayor Al David Uy.
Matud ni Dayanghirang sa iyang pinaulahing post nga siya hinay-hinay nang nakarekober. Samtang sa paghinabi GMA's One Mindanao, mibalik na sa iyang trabaho si Uy bisan og wala pa hingpit nga nakarekober. (Ralph Lawrence G. Llemit)