Kaso sa Covid-19 sa Cagayan de Oro miabot na sa 8,037

ANAA na sa 8,037 ang kinatibuk-ang ihap sa mga kaso sa coronavirus disease (Covid-19) sa Cagayan de Oro human nakatala kini og 283 sulod sa duha ka adlaw, pulos mga local transmissions.

Sumala ni Acting City Health Officer Dr. Lorraine Nery, sa 283 ka mga bag-ong lokal nga mga kaso, 79 ang mga close contacts sa mga pasyenteng nagpositibo sa coronavirus, 15 ang mga local authorized persons outside residence (Apor), 174 ang mga local index nga mga kaso, lima ang mga Apors with link, ug 10 ang mga patay.

Sa 8,037 nga kinatibuk-ang kaso sa Covid-19 sa syudad, 440 ang mga returning overseas Filipino workers/locally stranded individuals (ROFs/LSIs) ug 7,597 ang mga local transmissions.

Ang Cagayan de Oro adunay 1,557 ka mga active cases, 418 niini na-admit sa Northern Mindanao Medical Center ug uban pang mga ospital sa syudad, 1,138 ang mga outpatients, ug usa ang LSI.

Nakatala usab og 180 ka mga Covid-positive nga mga kaso nga karon naka-recover. Anaa na karon sa 6,122 ang ihap sa mga nakarekober nga mga kaso sa dakbayan.

Sa maong numero, 313 ang mga LSIs, 124 ang mga ROFs, ug 5,685 ang mga lokal nga kaso (community: 4,783; Apors: 902).

Ang recovery rate sa Cagayan de Oro miubos na sa 76.17 porsyento.

Ang ihap sa mga namatay sa Covid-19 sa syudad anaa na sa 358.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph